អ៉ីតាលីៈ ទីភ្នាក់ងារការពារជនស៊ីវិល បាននិយាយថា គ្រោះធម្មជាតិរញ្ជួយដីកម្រិត ៦,២ វ៉ិចទ័រ ដែលវាយប្រហារតំបន់ភ្នំ ភាគកណ្តាលប្រទេសអ៊ីតាលី ចម្ងាយ ៧៦ គីឡូម៉ែត្រភាគអាគ្នេយ៍នៃទីក្រុង Perugia បណ្ដាលឲ្យមនុស្សស្លាប់កើនដល់ ២៤៧នាក់ ខណៈអ្នករងរបួស៣៦៨នាក់។ នេះបើតាមការចេញផ្សាយ ដោយសារព័ត៌មាន AP ចេញផ្សាយនៅយប់ថ្ងៃទី២៥ ខែសីហា ឆ្នាំ២០១៦។

ហេតុការណ៍នេះ បានញ័រចេញពីក្នុងដីជម្រៅតែ១០គីឡូម៉ែត្រប៉ុណ្ណោះ ហើយចំណេកឯនៅទីក្រុងរ៉ូមវិញ អគារមួយចំនួនបានញាប់ញ័ររយៈពេល ២០វិនាទី ក្នុងនោះ ក៏មានតំបន់ជាច្រើនផ្សេងទៀត រងផលប៉ះពាល់ផងដែរ៕