Post News Media ព័ត៌មានជាតិ សាលា ZAMAN បដ...

សាលា ZAMAN បដិសេធការបិទសាលាតាមសំណើរបស់ស្ថានទូតទួកគី

ភ្នំពេញ: ទោះជាយ៉ាងណាក៏ដោយ តំណាងម្នាក់របស់សាលា ZAMAN ជាជនជាតិទួកគី ឈ្មោះ អ៊ី សែ អានតេប្លី បានចេញធ្វើសន្និសីទកាសែតនាព្រឹកនេះ នៅសាលារបស់ពួកគេ ដោយបានលើកឡើងថា សាលា ZAMAN បានកសាងឡើងរយ:ពេលជិត២០ឆ្នាំហើយ ការបណ្តុះបណ្តាលមានទាំងថ្នាក់អន្តរជាតិ និងថ្នាក់ជាតិ។ ជារៀងរាល់ឆ្នាំសាលាត្រូវបានក្រសួងអប់រំធ្វើអធិការកិច្ច ដើម្បីពង្រឹងផ្នែកអប់រំ សរុបទៅសាលានេះបន្តដំណើរការរហូត នាពេលខាងមុខនេះគឺនៅថ្ងៃទី០៥ កញ្ញាខាងមុខ នឹងមានការបើកបវេសនកាលថ្មី។

លោកបាននិយាយថា សាលាមិនមានការបិទតាមការស្នើសុំនោះទេ ព្រោះឆ្នាំក្រោយនឹងមានសិស្សចំនួន៤៦០នាក់ បានចុះឈ្មោះរួចរាល់ហើយ។ លោកបញ្ជាក់ថា សាលារបស់យើងជាសាលាឯកជន និងឯករាជ្យ មិនមែនទំនាក់ទំនងអ្វីជាមួយរដ្ឋាភិបាលទួកគី ឬស្ថានទូតទួកគីនោះទេ។ ជាចុងក្រោយលោក អានតេប្លី ថាការបិទលុះត្រាសាលានេះស្ថិតក្នុងប្រទេសទួកគី។

សូមបញ្ជាក់ថា កាលពីថ្ងៃច័ន្ទដើមសប្តាហ៍នេះលោកឯកអគ្គរាជទូតរបស់ទួកគីលោក អីលហាន កេម៉ាល់ និងលោករដ្ឋមន្ត្រី ប្រាក់ សុខុន បានជួបពិភាក្សា អំពីរដ្ឋាភិបាលទួកគីនិយាយថា រដ្ឋប្រហារមិនបានសម្រេចកាលពីខែកក្កដានោះ មានទំនាក់ទំនងជាមួយអង្គការមួយក្នុងរាជធានីភ្នំពេញ ដែលជាសាលា ZAMAN ។ សាលា ZAMAN ជាប់ទាក់ទងនឹងលោក ហ្វេទុឡា ហ្គូឡេន បព្វជិតជនជាតិតួកគី ដ៏ចម្រូចម្រាសមួយរូប ដែលមានចលនា Hizmet របស់លោកទាក់ទាញអ្នកគាំទ្ររាប់លាននាក់ក្នុងជួររដ្ឋាភិបាលទួកគី។ ចំពោះការប៉ុនប៉ងធ្វើរដ្ឋប្រហារដែលជាលទ្ធផលមានមនុស្សជិត៣០០នាក់បានបាត់បង់ជីវិត និងមានមនុស្សរាប់ម៉ឺននាក់ត្រូវបានចាប់ខ្លួន៕

Zaman (1)

Zaman (2)

Zaman (3)

Zaman (4)

Zaman (5)

Zaman (6)

Zaman (7)

Zaman (8)