ស្កុតឡេនៈ អ្នកបើកយន្តហោះពីរនាក់ ត្រូវបានចាប់ខ្លួនសង្ស័យពីបទសេពគ្រឿងស្រវឹង នៅមុនពេល ការហោះហើរពីទីក្រុង Glasgow ប្រទេសស្កុតឡេ។ នេះបើយោងតាមរយៈ សារព័ត៌មាន Sky News ចេញផ្សាយនៅថ្ងៃទី២៩ ខែសីហា ឆ្នាំ២០១៦។

ការព្រួយបារម្ភមួួយ បានកើតទ្បើងបន្ទាប់ពីជើងហោះហើរ របស់ក្រុមហ៊ុន United Airlines ម៉ោង ៩ ពេលព្រឹក ដែលបានហោះហើរទៅកាន់ទីក្រុងញូវយ៉ក កាលពីថ្ងៃសៅរ៍។

ប៉ូលិសបាននិយាយថា បុរសពីរនាក់ដែលមានអាយុ ៣៥ និង ៤៥ ឆ្នាំ ត្រូវបានចាប់ខ្លួននៅព្រលានយន្តហោះ ដែលព័ត៌មាននេះ ទំនងជាទើបតែលេចធ្លាយដំណឹងពីតុលាការ នៅថ្ងៃចន្ទនេះ។

ជើងហោះហើរនេះ ត្រូវបានផ្អាកជាច្រើនម៉ោង ជាមួយនឹងពីទ្បុតពីរនាក់ផ្សេងគ្នា និងអ្នកដំណើរ ១៤១ នាក់នៅលើយន្តហោះ។

បើតាមអ្នកនាំពាក្យរបស់ក្រុមហ៊ុនអាកាសចរណ៍ United Airlines ម្នាក់ បាននិយាយថា អ្នកបើកបរទាំងពីរនាក់ ត្រូវបានក្រុមហ៊ុនដកពីសេវាកម្ម និងបញ្ឈប់ពួកគេពីភារកិច្ច៕