តួកគី: សេចក្ដីថ្លែងការណ៍មួយ របស់ឆ្មាំសមុទ្រតួកគី បានឲ្យដឹងថា ជនចំណាកស្រុក និងអន្តោរប្រវេសន៍ ជាង ១០០ នាក់ ត្រូវបានជួយសង្គ្រោះចេញពីឆ្នេរភាគខាងលិចនៃប្រទេសតួកគី កាលពីសប្តាហ៍មុន។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៣ ខែកញ្ញា ឆ្នាំ២០១៦។
ទូកដឹកជនចំណាកស្រុកចំនួនបីផ្សេងគ្នា ត្រូវបានគេស្ទាក់ចាប់បាន នៅឆ្នេរ Dikili និង Cesme ស្ថិតនៅក្នុងសមុទ្រ Aegean ។
ឆ្មាំឆ្នេរសមុទ្រតួកគី បាននិយាយថា ភាគច្រើននៃជនចំណាកស្រុកទាំងនោះ រួមមានទាំងស្ត្រី បុរស និងកុមារ ដែលបានមកពីប្រទេសស៊ីរី និងអាហ្វហ្គានីស្ថាន។
គួរបញ្ជាក់ដែរថា ការហូរចូលនៃជនចំណាកស្រុកមកដល់ប្រទេសតួកគី បានកើនឡើងដល់ ៨៥៧.០០០ នាក់ កាលពីឆ្នាំមុន៕
មតិយោបល់