ស៊ីរីៈ ក្នុងវីដេអូថ្មីមួយចេញដោយពួក ISIS មានចំណងជើងថា ការធ្វើបំភ័ន្តភ្នែក បានផ្សព្វផ្សាយចេញ មកក្រៅ ក្នុងអំទ្បុងពេលវេលាដ៏ពិសិដ្ឋនៃពិធី Eid Al -Adha ជាបុណ្យថ្វាយយញ្ញបូជា ដែលពួកមូស្លីម សាសនិកទូទាំងពិភពលោកប្រារព្ធជារៀងរាល់ឆ្នាំ បានឃើញថា បុរសជាច្រើននាក់ ត្រូវបានគេចាប់ព្យួរ នឹងទំពក់រួចអារកសម្លាប់ពួកគេដូចសត្វជៀម។ នេះបើយោងតាមរយៈ សារព័ត៌មានបរទេស ចេញផ្សាយនៅថ្ងៃទី១៣ ខែកញ្ញា ឆ្នាំ២០១៦។

វីដេអូដ៏គួរឲ្យរន្ធត់ថ្មីមួយនេះ ដែលចេញផ្សាយដោយក្រុមភេរវកម្មក្រុម ISIS បានបង្ហាញថា ពលរដ្ឋស៊ីរី ក្នុងតំបន់ Deir ez-Zor ត្រូវបានគេអារកសម្លាប់ដូចសត្វជៀម នៅក្នុងពិធីបុណ្យ Eid Al -Adha។

ក្នុងអំពើហិង្សាដ៏សាហាវនេះ បានបង្ហាញពីរូបភាពបុរសទាំងនោះ ត្រូវគេអារ និងវះទម្លុះបំពង់ក ដែលព្យួរ នឹងទំពក់ ដោយពួកគេត្រូវបានចោទប្រកាន់ថា ជាចារកម្ម ប៉ុន្តែតាមពិតពួកគេជាជនស៊ីវិលមកពីទីក្រុង Deir EZ-Zor ប្រទេសស៊ីរីប៉ុណ្ណោះ៕