អង់គ្លេស: ពិតជាគួរឲ្យរន្ធត់ណាស់ អ្នកដំណើរជាច្រើននាក់ បាននាំគ្នារត់ប្រាសអាយុសរបស់ពួកគេ បន្ទាប់ពីហេតុការណ៍ផ្ទុះ ក្នុងរថភ្លើងក្រោមដីមួយ នៅទីក្រុងឡុងដ៍នៃប្រទេសអង់គ្លេស។ នេះបើយោងតាមសារព័ត៌មាន Daily Mail ចេញផ្សាយនៅថ្ងៃទី១៥ ខែកញ្ញា ឆ្នាំ២០១៧។

នៅក្នុងហេតុការណ៍នេះ អ្នកដំណើរជាច្រើននាក់ ត្រូវបានរងការរលាកលើផ្ទៃមុខ អំទ្បុងពេលដែលរថភ្លើងក្រោមដី នៅស្ថានីយ៍ Parsons Green ធ្វើដំណើរទៅកាន់ភាគខាងលិចទីក្រុងឡុងដ៍។

សូមជំរាបថា ករណីផ្ទុះនេះដែរ បានបណ្ដាលឲ្យមនុស្ស ០៧ នាក់រងរបួស ហើយមកទល់ពេលនេះ ខាងប៉ូលិសនៅមិនទាន់បានបញ្ជាក់ទេថា វាជាការផ្ទុះគ្រាប់បែកឬយ៉ាងណាទេ៕