ព័ត៌មានជាតិ ព្រឹត្តិការណ៍ សំខាន់ៗ

ប្រជាពលរដ្ឋសាទរ ចំពោះវត្តមានសម្តេចតេជោ លើទឹកដីថ្មពួក

បន្ទាយមានជ័យ: នៅព្រឹកថ្ងៃទី២៦ ខែមេសា ឆ្នាំ២០១៦នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធ ដាក់ឲ្យប្រើប្រាស់ជាផ្លូវការ នូវផ្លូវជាតិលេខ៥៦ ដែលតភ្ជាប់ពីក្រុងសិរីសោភ័ណ ខេត្តបន្ទាយមានជ័យ ទៅកាន់ក្រុងសំរោង នៃខេត្តឧត្តរមានជ័យ។ ពិធីបានរៀបចំ ធ្វើក្នុងបរិវេណវិទ្យាល័យ ថ្មពួកស្រុក ថ្មពួកខេត្តបន្ទាយមានជ័យ។

សូមបញ្ចាក់ផងដែរថា ខណ:ដែលសម្តេចអញ្ជើញដល់ សម្តេចនឹងធ្វើការចែកទឹក ដល់បងប្អូនប្រជាពលរដ្ឋរងគ្រោះ ដោយខ្វះទឹកប្រើប្រាស់ នៅក្នុងស្រុកទាំងពីរ គឺស្រុកស្វាយចេក និងស្រុកថ្មពួក។

បងប្អូនប្រជាពលរដ្ឋដែលចូលរួមក្នុងឱកាសនោះបាននិយាយថា ពួកគាត់ពិតជាសប្បាយរីករាយណាស់ ចំពោះវត្តមានរបស់សម្តេចលើទឹកដីថ្មពួក។ពួកគាត់បន្តថា ពួកគាត់ពិតជារងចាំ ដោយអន្ទះសារនូវដំណើរអញ្ជើញដល់ របស់សម្តេច ពិសេសចង់ជួបផ្ទាល់ ដើម្បីបានស្តាប់អនុសាសន៍សួរសុខទុក្ ខនិងយកចិត្តទុកដាក់ របស់សម្តេចតេជោ និងសម្តេចគតិព្រឹទ្ធ៕

photo_2016-04-25_16-51-24 photo_2016-04-25_16-51-27 photo_2016-04-25_16-51-41 photo_2016-04-25_16-51-44 photo_2016-04-25_16-51-30 photo_2016-04-25_16-51-43 photo_2016-04-25_16-51-38 photo_2016-04-25_16-51-33 photo_2016-04-25_16-51-46 photo_2016-04-25_16-51-39 photo_2016-04-25_16-51-39 (2)

មតិយោបល់