Post News Media ព័ត៌មានជាតិ គ្រឿងញៀន​ជាង៦...

គ្រឿងញៀន​ជាង៦០គ្រាប់​ កំពុងបង្កប់ក្នុងខ្លួនជនជាតិ​អា​ហ្រ្វិ​ក​ខាងត្បូង​ ខណ:ប៉ូលិសរកឃើញជាង៣០គ្រាប់

​ភ្នំពេញ​: រហូតមកទល់និងរសៀលថ្ងៃទី២៥កញ្ញានេះ​ សមត្ថកិច្ចមិនទាន់បង្ហាញគ្រឿងញៀនទាំងអស់ ដែលលាក់ក្នុងខ្លួនជនជាតិ​អា​ហ្រ្វិ​ក​ខាងត្បូង​នៅឡើយទេ​ បន្ទាប់ពីប៉ូលិសកម្ពុជារកឃើញជាជំហានដំបូងថា​ ៣៦គ្រាប់ត្រូវបានបញ្ចេញមកក្រៅ៕

បើតាម​ចម្លើយ​សារភាព​របស់​ជនសង្ស័យ​ថា​ ខ្លួន​បាន​លេប​គ្រឿងញៀន​ជិត​ ១០០​គ្រាប់​ ជា​ប្រភេទ​កូកាអ៊ីន​ ដោយរយ:​ ពេល​២​ថ្ងៃ​ គិតចាប់តាំងពីថ្ងៃទី២៣ដល់រសៀលថ្ងៃទី២៥កញ្ញានេះ​ ជនសង្ស័យ​ទើប​បញ្ចេញ​គ្រឿងញៀន​ បាន​តែ​ ៣៦​គ្រាប់​ប៉ុណ្ណោះ​ ពោលនៅសល់ប្រមាណជាង៦០គ្រាប់ទៀត​ លាក់ទុកនៅក្នុងខ្លួននៅឡើយ​ ៕

យោងតាមការចុះផ្សាយនៅថ្ងៃទី២៥កញ្ញានេះ​ របស់សារព័ត៌មាន​ប៉ូលិស​ បានឲ្យដឹងថា​ កាលពី​ថ្ងៃ​ទី​២៣​ ខែកញ្ញា​ ឆ្នាំ​២០១៦​ វេលា​ម៉ោង​ ១០​និង​៣០​នាទី​ព្រឹក​ កម្លាំង​ជំនាញ​នៃ​មន្ទីរ​ប្រឆាំង​គ្រឿងញៀន​ បាន​សហការ​ជាមួយ​ កម្លាំង​នគរបាល​អន្ដោប្រវេសន៍​ប្រចាំ​ នៅ​អាកាសយានដ្ឋាន​អន្ដរជាតិ​ភ្នំពេញ​ បាន​ឃាត់ខ្លួន​បុរស​ ជនជាតិ​អា​ហ្វ្រិកខាងត្បូង​ម្នាក់​ សង្ស័យ​លេប​គ្រឿងញៀន​ លាក់​ក្នុង​ពោះ​ ដែល​ធ្វើ​ដំណើរ​មក​ពី​ប្រទេស​ប្រេ​ហ្សី​ល​ ឆ្លង​កាត់​ព្រ​លាន​យន្ដហោះ​ឌុ​យ​បៃ​ និង​បាងកក​ តាម​ជើង​យន្ដហោះ​ Bangkok​ airway​ លេខ​ EY402​ ។​

​បន្ទាប់​មក​សមត្ថកិច្ចក៍នាំ​ខ្លួន​ជនសង្ស័យ​ទៅ​ស្កេ​ន​មើល​ ជា​លទ្ធផល​ឃើញ​ថា​ មាន​ដុំ​សង្ស័យ​គ្រឿងញៀន​មាននៅ​ក្នុង​ ពោះ​របស់​ជនសង្ស័យ​ពិតប្រាកដ​មែន​ ។​ ហើយសមត្ថកិច្ច​ ក៏​បាន​នាំ​ខ្លួន​ជន​នេះ​ មក​កាន់​មន្ទីរ​ប្រឆាំង​គ្រឿងញៀន​ ដើម្បី​បើក​ការ​ស៊ើបអង្កេត​បន្ដ​ និង​រងចាំ​ជនសង្ស័យ​បញ្ចុះ​គ្រឿង​ញៀន​ចេញពី​ក្នុង​ពោះ​ ៕

photo_2016-09-25_15-40-15

photo_2016-09-25_15-40-18

photo_2016-09-25_15-40-22

photo_2016-09-25_15-40-26