ផ្ទះ ព័ត៌មានជាតិ គន្ធបុប្ផា ទទ...

គន្ធបុប្ផា ទទួលថវិកាពីព្រឹត្តិការណ៍កំរាលព្រំនៅន័រតុន

0

ភ្នំពេញ: កាលពីល្ងាចថ្ងៃទី២៦ កញ្ញា តារាសិល្ប: និងតំណាងនិស្សិតពេទ្យនៅសាកលវិទ្យាល័យន័រតុនយ៉ាងច្រើនកុះករ បាននាំយកថវិកាចំនួន៤.៦៩៤ដុល្លារ ដែលបានពីព្រឹត្តិការណ៍ប្រគំតន្ត្រី និងដើរលើកម្រាលព្រំកាលពីថ្ងៃទី១៧ កញ្ញា។ នេះជាថវិកាដែលទទួលបានទាំងស្រុងពីនិស្សិតទៅទស្សនាការប្រគំតន្ត្រី និងការបរិច្ចាគរបស់តារាសិល្ប:។ ពិធីប្រគល់ថវិកានោះ ក្រៅពីមានវត្តមានតារាល្បីៗកុះករ ក៏មានវត្តមានអ្នកសារព័ត៌មានជាតិមកពីស្ថាប័នជាច្រើនទៅផ្ដិតយករូបភាពទៅផ្សព្វផ្សាយផងដែរ។

កញ្ញា ស៊ុន សោភា តំណាងសកលវិទ្យាល័យន័រតុនបានអះអាងថា ដោយសារតែនៅថ្ងៃទី៤ តុលាខាងមុខ មហាវិទ្យាល័យវិទ្យាសាស្រ្តសុខាភិបាលរបស់សាកលវិទ្យាល័យន័រតុននឹងបញ្ចប់ការទទួលពាក្យសិស្សឲ្យចូលរៀន ទើបនិស្សិតពេទ្យទាំងអស់សម្រេចធ្វើការប្រគល់ថវិកាចំនួន៤.៦៩៤ដុល្លារដែលបានពីការច្រៀងរាំកាលពីថ្ងៃទី១៧ កញ្ញាដោយតារាល្បីៗ និងបានពីការរៃអង្គាសបន្ថែមរបស់និស្សិតគ្រប់ផ្នែករបស់មហាវិទ្យាល័យឲ្យបានរួចរាល់មុនឱកាសថ្ងៃភ្ជុំ។ កញ្ញាថាថវិកាដែលទទួលបានមិនច្រើនដូចការគ្រោងទុក គឺដោយសារតែព្រឹត្តិការណ៍ដើរលើកម្រាលព្រំដែលបានធ្វើឡើងត្រូវរំខានដោយភ្លៀង ហើយមិនមានអ្នកមកទស្សនាកុះករ។

លោកផាត់ តារារដ្ឋ អ្នកដឹកនាំតារាសិល្ប:ក្នុងព្រឹត្តិការណ៍ប្រគំតន្ត្រីកាលពីថ្ងៃទី១៧ កញ្ញា និងជាអ្នកដឹកនាំតារាសិល្ប:នាំយកថវិកាទៅប្រគល់ជូនដល់មន្ទីរពេទ្យគន្ធបុប្ផាកាលពីថ្ងៃទី២៦ កញ្ញា បានអះអាងថានៅអំឡុងខែប្រាំងឆ្នាំ២០១៧ខាងមុខ ព្រឹត្តិការណ៍មួយនោះនឹងត្រូវបាន និស្សិតពេទ្យន័រតុន រួមដៃជាមួយតារាល្បីៗរៀបចំជាលើកទី២ ដើម្បីប្រមូលលុយជួយដល់មន្ទីរពេទ្យគន្ធបុប្ផា។ លោកថាថវិកាដែលទទួលបាននេះ បានបង្ហាញពីកម្លាំងសាមគ្គីរបស់តារាសិល្ប: និងអ្នករៀបចំយ៉ាងខ្លាំងជាពិសេសគឺនិស្សិតពេទ្យន័រតុន និងសាកលវិទ្យាល័យនរ័តុន។

ងាកមកកាន់ពិធីប្រគល់ថវិកាវិញ គេឃើញវត្តមានតារាសិល្ប:រួមមាន លោក កុយ ស៊ីឌឿន ម្ចាស់ផលិតកម្មឌីភី និងវិទ្យុឌីភី, កញ្ញាទេព បូព្រឹក្ស, អ្នកនាងស៊ុនណារី ម៉ូនីកា, អ្នកនាងមាស សម្ផស្ស, កញ្ញាថន ស្រីណៃ, លោកយន សុភ័ក្រ, កញ្ញាពេជ្រ អាវីហ្សា, អ្នកនាងប៉េងប៉ោង, ឌីជេអាលីយ៉ា, លោក ចន ច័ន្ទដារ៉ា, លោកគន់ រៀមរតន:, លោកឃីម រតន:, កញ្ញាស្រីពៅមុខឈើ និងតារាវ័យក្មេងជាច្រើនរូបទៀត។ ពិធីនោះប្រគល់នោះដឹកនាំដោយលោកផាត់ តារារដ្ឋ ស្ថាបនិក«គ្រួសារតារាកម្ពុជា» និងនិស្សិតសាលាពេទ្យន័រតុនដែលជាអ្នករៀបចំព្រឹត្តិការណ៍៕

photo_2016-09-26_21-15-27 photo_2016-09-26_21-15-35 photo_2016-09-26_21-15-39 photo_2016-09-26_21-15-41 photo_2016-09-26_21-15-43 photo_2016-09-26_21-15-44 photo_2016-09-26_21-15-46 photo_2016-09-26_21-15-48 photo_2016-09-26_21-15-50 photo_2016-09-26_21-15-52 photo_2016-09-26_21-15-55 photo_2016-09-26_21-14-30 photo_2016-09-26_21-14-33 photo_2016-09-26_21-14-34 photo_2016-09-26_21-14-36 photo_2016-09-26_21-14-38 photo_2016-09-26_21-14-39 photo_2016-09-26_21-14-41 photo_2016-09-26_21-14-43 photo_2016-09-26_21-14-45 photo_2016-09-26_21-14-47 photo_2016-09-26_21-14-48 photo_2016-09-26_21-14-50 photo_2016-09-26_21-14-54 photo_2016-09-26_21-14-56 photo_2016-09-26_21-14-58 photo_2016-09-26_21-15-00 photo_2016-09-26_21-15-04 photo_2016-09-26_21-15-06 photo_2016-09-26_21-15-11 photo_2016-09-26_21-15-15 photo_2016-09-26_21-15-19 photo_2016-09-26_21-15-21 photo_2016-09-26_21-15-22 photo_2016-09-26_21-15-25 photo_2016-09-26_21-15-27 photo_2016-09-26_21-15-29 photo_2016-09-26_21-15-31 photo_2016-09-26_21-15-56 photo_2016-09-26_21-15-58 photo_2016-09-26_21-16-07 photo_2016-09-26_21-16-09 photo_2016-09-26_21-16-11 photo_2016-09-26_21-16-14 photo_2016-09-26_21-16-17

មតិយោបល់