បរទេស: ដោយយោងតាម bangkokpost នៅថ្ងៃទី ១៣ ​ខែតុលា ឆ្នាំ២០១៦ មុននេះបន្ដិច លោក អូបាម៉ា និង លោក Najib Razak នាយករដ្ឋមន្ត្រីម៉ាឡេស៊ី បានចេញសេចក្ដីថ្លែងការណ៍ចូលរួមរំលែកទុក្ខ ប្រជាជនថៃ បន្ទាប់ពីព្រះមហាក្សត្រ Bhumibol Adulyadej សោយទិវង្គត។

លោកអូបាម៉ាបានថ្លែងថា: «ព្រះមហាក្សត្រជាមិត្តជិតស្និទ្ធរបស់សហរដ្ឋអាមេរិក និងជាដៃគូរបស់ប្រធានាធិបតីអាមេរិកដ៏មហាកិត្តិយស ខ្ញុំមានកិត្តិយសសម្រាប់ការហៅទូរស័ព្ទរបស់ព្រះមហាក្សត្រ ក្នុងអំឡុងពេលដំណើរទស្សនកិច្ចរបស់ខ្ញុំទៅប្រទេសថៃ ក្នុងឆ្នាំ ២០១២ និងបានរំលឹកព្រះគុណនិងភាពកក់ក្ដៅរបស់ទ្រង់ ព្រមទាំងសេចក្ដីស្រឡាញ់ និងការអាណិតអាសូរយ៉ាងជ្រាលជ្រៅរបស់ទ្រង់ចំពោះប្រជាជនថៃ»។

ក្នុងនោះដែរ លោកនាយករដ្ឋមន្ត្រីម៉ាឡេស៊ី លោក Najib Razak បានសម្តែងការរំលែកទុក្ខរបស់លោក ចំពោះព្រះមហាក្សត្រថៃ ដោយថ្លែងថា: « ក្នុងនាមប្រជាជនម៉ាឡេស៊ី ខ្ញុំព្រះកុណាសូមសម្ដែងការរំលែកទុក្ខ ដោយស្មោះ និងអស់ពីចិត្ដចំពោះព្រះរាជវង្សព្រះអង្គ រួមទាំងរដ្ឋាភិបាល និងប្រជាជនថៃ នៅខណៈដែលការចូលទិវង្គតព្រះករុណាព្រះមហាក្សត្រ Bhumibol Adulyadej ជីវិតតម្កល់លើត្បូង»៕