​​ខណៈ​​ដែល​​​ព្រះ​ម​ហា​ក្ស​ត្រ​ថៃ​​ Bhumibol Adulyadej បានចូលទីវង្គត់ កាលពីថ្ងៃព្រហស្បតិ៍ រដ្ឋាភិបាលថៃ បានប្រកាស​កាន់មរណៈទុក្ខ​រយៈពេល​ ១ឆ្នាំ ហើយ​ហាម​មិន​ឲ្យបង្កើត​ព្រឹត្តិការណ៍សប្បាយ ក្នុងរយៈពេល ៣០ថ្ងៃបន្ទាប់ និង ហាមការប្រើប្រាស់គ្រឿង​ស្រវឹង​ជា​សាធារណៈ ដោយមិនកំណត់ពេលបើកវិញ ។​ នេះបើយោងតាម munchies ចុះផ្សាយ​កាលពីថ្ងៃទី​១៥ ខែតុលា ឆ្នាំ​២០១៦ ។​

ទន្ទឹមជាមួយនឹងការបាត់បង់ ក្សត្រដែលប្រថាប់ក្នុងរាជបល្ល័ង្កចំនួន ៧០ វស្សានោះ រដ្ឋាភិបាលថៃ បានរៀបចំ​ខ្សែទូរស័ព្ទបន្ទាន់ ដើម្បីដោះស្រាយវិបត្តិប្រជាជនខ្លួន ហើយមន្ត្រីរាជការតម្រូវ​ឲ្យស្លៀកពាក់ខ្មៅ នៅឆ្នាំក្រោយ សូម្បីតែគេហទំព័រផ្សងៗ ត្រូវ​ប្តូរ​ទៅជាពណ៌ស ខ្មៅ ។
ក្រៅពីនេះ សម្រាប់គ្រឿងស្រវឹង​ត្រូវបានរដ្ឋាភិបាលបិទ​មិនកំណត់ថ្ងៃបើក មិនឲ្យប្រគំតន្ត្រី តាមក្លឹបសប្បាយផ្សេងៗ មិនឲ្យរាំរែក សូម្បីតែសំណើចផ្សេងៗ តាមសាធារណៈក៏ត្រូវហាមឃាត់ផងដែរ ។​ ទាំងនេះ វាកំពុងរឹតបន្តឹង​ធ្វើឲ្យ អ្នកទេសចរណ៍ ពិបាកនឹងគោរពតាមច្បាប់មូលដ្ឋាន ដែលថៃកំពុងដាក់ចេញ សម្រាប់​ដំណើរវិស្សមកាលដ៏រីករាយរបស់ពួកគេ​៕​/Ld