ប្រជាពលរដ្ឋខ្មែរជាច្រើន ហាក់មានការយល់ដឹងខ្ពស់ បានចាប់ផ្តើមជាបណ្តើរៗគាំទ្រទៅលើ «មួកត្នោត មួកខ្មែរ» ពាក់បិទបាំងកម្តៅថ្ងៃ ក្នុងពិធីបុណ្យអ៊ំទូក នៅមុខព្រះបរមរាជវាំង ។
សកម្មភាពនេះ បានឆ្លុះបញ្ចាំងដល់ សកម្មភាពចាស់របស់និស្សិតជាច្រើន ដែលពាក់ «មួកត្នោត មួកខ្មែរ» ជិះកង់ដង្ហែរក្នុងក្រុងសៀមរាបឆ្ពោះទៅកាន់ប្រាសាទអង្គរវត្ត ក្នុងន័យលើកតំកើង និងការផ្សព្វផ្សាយមួកត្នោតខ្មែរ ដែលធ្វើឡើងកាលពីខែ ឧសភា ឆ្នាំ២០១៦ នេះ ។
កញ្ញា ស្រី សុគន្ធា មកពីខេត្តស្វាយរៀងបានលើកឡើងថា ការពាក់មួកត្នោតខ្មែរយ៉ាងដូច្នោះ គឺក្នុងន័យលើកកម្ពស់មួកត្នោតខ្មែរ និងស្នាដៃកូនខ្មែរ ។ ម្យ៉ាងវិញទៀត គឺជាការចូលរួមផ្សព្វផ្សាយ ឲ្យបរទេសយល់ដឹងពី មួកដែលជាកេរ្តិក៍តំណែលពីដូនតាខ្មែរយើង។
នាងបានបន្តថា នាងពិតជាសប្បាយរីករាយខ្លាំងណាស់ ក្រៅពីនាង នៅមានប្រជាពលរដ្ឋជាច្រើនទៀត ដែលមកកម្សាន្ត មើលការអ៊ំទូក បានមួកខ្មែរ ដូចជានាងដែរនោះ មើលទៅ កំពុងពេញនិយមខ្លាំងណាស់ ក្នុងពិធីបុណ្យអ៊ំទូកប្រពៃណីជាតិឆ្នាំនេះ ។
ប្រជាពលរដ្ឋមកពីខេត្តខាងលើ ក៏បានចូលរួមអំពាវនាវ ឲ្យ ប្រជាពលរដ្ឋ ទូទាំងប្រទេសមេត្តា គាំទ្រដល់មួកត្នោត មួកខ្មែរ ដើម្បីឲ្យមួកនេះ គង់វង្ស ជាកេរ្តិ៍តំណែលខ្មែរ តរៀងទៅ ៕
មតិយោបល់