ព័ត៌មានអន្តរជាតិ ព្រឹត្តិការណ៍ សំខាន់ៗ

ICC៖ កងទ័ពអាមេរិក និង CIA អាចនឹងប្រឈមទោស ពីបទឧក្រិដ្ឋសង្គ្រាមនៅអាហ្វហ្គានីស្ថាន

អាហ្វហ្គានីស្ថាន: ប្រធានរដ្ឋអាជ្ញាតុលាការឧក្រិដ្ឋកម្មអន្តរជាតិ (ICC) លោកស្រី Fatou Bensouda បានប្រកាសថា យោធាអាមេរិក និងភ្នាក់ស៊ើបការសម្ងាត់ CIA ទំនងជាបានប្រព្រឹត្តខុសយ៉ាងខ្លាំង ក្នុងបទឧក្រិដ្ឋកម្មសង្រ្គាមនៅអាហ្គានីស្ថាន។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៥ ខែវិច្ឆិកា ឆ្នាំ២០១៦។

សេចក្តីប្រកាសនេះ បានធ្វើទ្បើងចំពេលលទ្ធផលនៃការស៊ើបអង្កេតបឋម បានបង្ហាញថា នៅក្នុងឆ្នាំ២០០៣ ដល់ឆ្នាំ២០១៤ កងទ័ពអាមេរិកបានធ្វើទារុណកម្ម និងប្រើអំពើហិង្សាយ៉ាឃោរឃៅ អំទ្បុងពេលសួរចម្លើយ អ្នកទោសជាច្រើននាក់ ដែលសកម្មភាពនេះ ជាការរំលោភពានសិទ្ធិមនុស្សដ៏ធ្ងន់ធ្ងរ ខណ:ដែលអាមេរិក បានតាំងខ្លួនឯងថា ជាប្រទេសគោរពសិទ្ធិមនុស្ស។

លោកស្រី Fatou Bensouda បាននិយាយថា ពួកគេនឹងសម្រេចចិត្តនៅពេលខាងមុខ ថាតើត្រូវស្វែងរកការអនុញ្ញាត ឱ្យបើកការស៊ើបអង្កេតធំនេះ នៅអាហ្វហ្គានីស្ថានដែលអាចនាំឱ្យមានការចោទប្រកាន់ពីបទឧក្រិដ្ឋកម្មសង្គ្រាម ទៅលើអាមេរិក ។

អ្នកនាំពាក្យក្រសួងការបរទេសអាមេរិក លោកស្រី Elizabeth Trudeau បាននិយាយថា អាមេរិកមិនជឿថា ការស៊ើបអង្កេតរបស់តុលាការឧក្រិដ្ឋកម្មអន្តរជាតិថាមានសុចរិតភាព ឬតម្លាភាពនោះទេ ៕

icc

មតិយោបល់