ព័ត៌មានអន្តរជាតិ ព្រឹត្តិការណ៍ សំខាន់ៗ

អាមេរិកបិទព្រលានយន្តហោះមួយ បន្ទាប់ពីការបាញ់ប្រហារនៅជិតស្ថានីយនៃរដ្ឋអូក្លាហូម៉ា

អាមេរិក: ព្រលានយន្តហោះ Will Rogers ត្រូវបានគេបិទកាលពីរសៀលថ្ងៃអង្គារ បន្ទាប់ពីមានការបាញ់ប្រហារមួយ ក្បែរស្ថានីយព្រលានយន្តហោះនេះ ស្ថិតនៅទីក្រុងអូក្លាហូម៉ា ក្នុងរដ្ឋអូក្លាហូម៉ា សហរដ្ឋអាមេរិក។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០១៦។

ការបាញ់ប្រហារនេះ បានកើតឡើងជាច្រើននៅកន្លែងចតរថយន្តមួយ នៅខាងក្រៅស្ថានីយមុនម៉ោង ១រសៀល (ម៉ោងក្នុងស្រុក) ដោយមនុស្សម្នាក់ ត្រូវបានគេបាញ់ ហើយខណ:នេះប៉ូលិស កំពុងតែស្វែងរកជនរងគ្រោះផ្សេងទៀត នេះបើយោងតាមប្រភពពីកាសែតក្នុងស្រុកជាភាសាអង់គ្លេស នៃរដ្ឋអូក្លាហូម៉ា។

តាមប៉ូលិសបានបញ្ជាក់ថា ជុំវិញការបាញ់នេះ ពួកគេបានបិទតាមដងផ្លូវ នៅជុំវិញព្រលានយន្តហោះ និងបានស្នើឲ្យប្រជាជនជៀសវាងការចូលទៅកាន់ព្រលានយន្តហោះ ដើម្បីសុវត្ថិភាព។

ក្រុមមន្ត្រីព្រលានយន្តហោះ បាននិយាយថា ការហោះហើរទាំងអស់នៅក្នុង និងក្រៅ ត្រូវបានផ្អាកខណ:ដែលប៉ូលិស កំពុងស៊ើបអង្កេតឧប្បត្តិហេតុនេះ។ ចំណែកជនរងគ្រោះ ត្រូវបានបញ្ជូនទៅកាន់មន្ទីរពេទ្យវេជ្ជសាស្រ្តមួយ ដើម្បីព្យាបាល ហើយស្ថានភាពយ៉ាងណានោះ គឺនៅមិនទាន់ដឹងថាយ៉ាងណាទេ៕

american

american1

មតិយោបល់