Post News Media ព័ត៌មានអន្តរជាតិ រុស្ស៊ី កំណត់...

រុស្ស៊ី កំណត់គោលដៅបាញ់មីស៊ីល ប្រសិនអាមេរិក ដាក់ពង្រាយប្រព័ន្ធមីស៊ីល នៅអឺរ៉ុប

រុស្ស៊ី: អ្នកនាំពាក្យរបស់វិមានក្រឹមឡាំង Dmitry Peskov បាននិយាយកាលពីយប់ថ្ងៃព្រហស្បតិ៍ថា ប្រសិនបើអាមេរិក ដាក់ពង្រាយប្រព័ន្ធមីស៊ីល នៅអឺរ៉ុបបន្ទាប់ពីការដកខ្លួនចេញពីសន្ធិសញ្ញាកងកម្លាំងនុយក្លេអ៊ែរកម្រិតមធ្យម (INF) រុស្ស៊ី នឹងមានគោលដៅបាញ់មីស៊ីល ទៅកាន់ទីតាំងដាក់ទាំងនោះ។ នេះបើយោងសារព័ត៌ចិនស៊ិនហួ ចេញផ្សាយនៅថ្ងៃទី២១ ខែធ្នូ ឆ្នាំ២០១៨។

នៅក្នុងបទសម្ភាសន៍មួយ ជាមួយទូរទស្សន៍ Channel One របស់រដ្ឋរុស្ស៊ី អ្នកនាំពាក្យប្រធានាធិបតីរូបនេះ ត្រូវបានគេស្នើឲ្យធ្វើអត្ថាធិប្បាយ ទាក់ទងនឹងពាក្យសម្ដីរបស់ប្រធានាធិបតីរុស្ស៊ី លោក វ្ល៉ាឌីមៀរ ពូទីន អំពីលទ្ធភាពនៃសង្គ្រាមនុយក្លេអ៊ែរ ក្រោយការដកខ្លួនចេញពីសន្ធិសញ្ញារបស់អាមេរិក។

ខណ:ដែលនៅក្នុងសន្និសីទសារព័ត៌មានប្រចាំឆ្នាំមួយ កាលពីថ្ងៃព្រហស្បតិ៍ លោក ពូទីន បានព្រមានប្រឆាំងចំពោះការធ្វើឲ្យអន់ថយ កម្រិតនៃការប្រើប្រាស់អាវុធនុយក្លេអ៊ែរ ដោយលោកនិយាយថា វានឹងបង្កឲ្យមានគ្រោះមហន្តរាយជាសកល។

លោក Peskov បាននិយាយថា ន័យរបស់ប្រធានាធិបតី គឺថា ការដាក់ពង្រាយប្រព័ន្ធមីស៊ីលទាំងនោះ នៅទ្វីបអឺរ៉ុប និងគោលដៅ ឬសក្តានុពលរបស់ពួកគេ (អាមេរិក) នឹងនាំឲ្យរុស្ស៊ី កំណត់ឃ្លាំងមីស៊ីលរបស់ខ្លួន សម្រាប់តម្រង់គោដៅទៅទីតាំងទាំងនោះ ដើម្បីធ្វើឲ្យមានភាពស្មើគ្នា៕