ក្រុមហ៊ុន Acer បានបង្អួតនូវកុំព្យូទ័រយួរដៃស៊េរីចុងក្រោយ ដែលមានរាងស្តើងដាច់គេ គឺម៉ូដែល Swift 7 ។ អ្នកលក់កុំព្យូទ័រយួរដៃជាច្រើនស្រលាញ់ការលក់នូវម៉ូដែលណា ដែលស្តើងៗ បែបនេះណាស់ ដោយលើកហេតុផល សមរម្យថា ភាពស្តើងបង្កប់អត្ថន័យដូចជា៖ ឆើតឆាយ ងាយយកតាមខ្លួន មានភាពទាក់ទាញ។

សម្រាប់កុំព្យូទ័រយួរដៃ ប្រសិនបើអ្នកចង់បានរាងកាន់តែស្តើង ល្បឿនដំណើរការវានឹងយឺតជាងមុន (Performance) ប៉ុន្តែចំពោះ Acer Swift 7 វាត្រឹមតែមានរាងស្តើងនោះទេ ហើយថែមទាំងមានឥទ្ធិពលខ្លាំងផងដែរ។

កុំព្យូទ័រយួរដៃមួយនេះ មានអេក្រង់ទំហំ ១៣អ៊ីង រីឯតម្លៃប្រហែល ១.១០០ ដុល្លារ មានលក់នៅហាងទំនិញ Amazon វាស្តើងហើយម៉ាស៊ីនដំណើរការស្ងាត់ល្អ មានអេក្រង់ធំជាងគេ និង តម្លៃថោកជាងកុំព្យូទ័រ Ultrabooks ដទៃ៕