BBC: រថយន្តរហូតទៅដល់ ៥៦គ្រឿង បានបុកគ្នាក្លាយជាគំនរធំមួយ នៅលើផ្លូវហាយវ៉េ ក្នុងប្រទេសចិន បណ្តាលឲ្យអ្នកដំណើរ ១៧នាក់ បានស្លាប់។ នេះបើតាមសារព័ត៌មានរដ្ឋចិន បានផ្សាយ។

យោងតាមសារព័ត៌មាន ប៊ីប៊ីស៊ី ចេញផ្សាយនៅថ្ងៃទី២២ ខែវិច្ឆិកា ឆ្នាំ២០១៦ បានឲ្យដឹងថា ហេតុការណ៍នេះបានកើតឡើងកាលពីព្រឹកថ្ងៃចន្ទ នៅលើផ្លូវហាយវ៉េ ដែលមានព្រិលធ្លាក់ ស្ថិតនៅភាគខាងជើងខេត្ត សានស៊ី។

នៅក្នុងឧបតិហេតុនោះ មនុស្ស ៣៧នាក់ផ្សេងទៀតបានរងរបួស នៅពេលដែលរថយន្តទាំង ៥៦គ្រឿងនោះ បានបុកបន្តកន្ទុយគ្នា អំឡុងពេលអាកាសធាតុត្រជាក់ និងព្រិលធ្លាក់ខ្លាំង នៅផ្លូវហាយវ៉េ ពីទីក្រុង គួនមីង ឆ្ពោះទៅរដ្ឋធានី ប៉េកាំង៕