Post News Media ព័ត៌មានអន្តរជាតិ វាយប្រហារនៅស៊...

វាយប្រហារនៅស៊ីរី ស្លាប់ និងរបួសជាង​ ៥០ នាក់

ស៊ីរី: កងវរសេនាតូចកាំភ្លើងធំ និងមីស៊ីលរបស់កងទ័ពស៊ីរីអារ៉ាប់ បានកំណត់គោលដៅវាយប្រហារទីតាំងរដ្ឋអ៊ីស្លាម (ISIS) នៅជិតផ្នែកភាគខាងជើងនៃមូលដ្ឋានយោធាអាកាស Kuweires ស្ថិតនៅភាគខាងកើតទីក្រុងអាឡេប៉ូ បានបណ្ដាលឲ្យស្លាប់ និងរបួសធ្ងន់ជាច្រើននាក់ ក្នុងនោះរួមមានពួកសកម្មប្រយុទ្ធរដ្ឋអ៊ីស្លាម ស្លាប់ និងរបួសជាង ៥០ នាក់ ព្រមទាំងខូចខាតរថក្រោះជាច្រើនគ្រឿងផងដែរ។ នេះបើយោងតាមរយ: សារព័ត៌មានស៊ីរី អាទ្បាទ្បាំ ចេញផ្សាយនៅថ្ងៃទី ២៦ ខែធ្នូ ឆ្នាំ២០១៦។

ការវាយប្រហារនេះ បានចាប់ផ្តើមនៅព្រឹកថ្ងៃអាទិត្យ ត្រង់ចំណុចប្រមូលផ្តុំក្រុមភេរវជន នៅជុំវិញភូមិ Mushrafit Abou Jabbar និង Bijan។

ក្នុងជុំទីពីរនៃការវាយប្រហារ កងទ័ពស៊ីរី និងអង្គភាពកាំភ្លើងធំ បានធ្វើទ្បើងនៅមូលដ្ឋានរបស់ ISIS ចំពេលក្រុមភេរវកម្មប៉ុនប៉ងរតត់គេចខ្លួន៕