Post News Media ព័ត៌មានអន្តរជាតិ តើទីក្រុងមច្ច...

តើទីក្រុងមច្ចុរាជអាទ្បេប៉ូ ប្រទេសស៊ីរី បានសន្តិភាពទេ​ ក្រោយសម្តេចប៉ាបបួងសួង ?

អង់គ្លេស: មេដឹកនាំសាសនាគ្រិស សម្តេច​ប៉ាប Francis បាន​បួងសួង​នៅ​ថ្ងៃ​បុណ្យ​ណូអែល​ សុំ​ឲ្យ​ពិភពលោក​ដែល​ធ្លាប់​មាន​សង្គ្រាម​​ ​និង​ការគំរាមកំហែង​ភេរវកម្ម​ឲ្យមានសន្តិភាពវិញ។ ​នេះបើយោងតាមសារព័ត៌មាន BBC ចេញផ្សាយនៅថ្ងៃទី២៧ ខែធ្នូ ឆ្នាំ២០១៦។

ដោយ​ថ្លែង​នៅខាង​មុខ​នៃ​ព្រះវិហារ Saint Peter’s Basilica សម្តេច​ប៉ាប Francis បាន​និយាយ​អំពី​ជនរងគ្រោះ​នៅ​សង្គ្រាម​ក្នុង​ប្រទេស​ស៊ីរី ជា​ពិសេស​សមរភូមិ​ដ៏​សាហាវ​នៅ​ក្នុង​ទីក្រុងអាទ្បេប៉ូ ហើយ​ទ្រង់​បាន​ជំរុញ​ឲ្យ​សហគមន៍​អន្តរជាតិ​ស្វែងរក​ដំណោះស្រាយ​ចរចា​គ្នា​នៅ​ក្នុង​ជម្លោះ​នេះ។​ ដោយ​ថ្លែង​នៅ​ចំពោះ​មុខ​មនុស្ស​ម្នា​រាប់​ម៉ឺន​នាក់ ​ដែល​បាន​ប្រមូល​ផ្តុំ​គ្នា​នៅ Saint Peter’s Square សម្រាប់​ការថ្លែង​សុន្ទរកថា​ ប្រចាំ​ឆ្នាំ សម្តេច​ប៉ាប​ Francis បាន​មាន​ប្រសាសន៍​ថា «អំពើ​ភេរវកម្ម​កំពុង​ធ្វើ​ឲ្យ​មនុស្ស​ភ័យ​ខ្លាច ​និង​ស្លាប់​បាត់បង់​ជីវិត​ ក្នុង​ទីក្រុង ​និង​ប្រទេស​នានា​នៅ​ទូទាំង​ពិភពលោក»។ ​

នៅ​ក្នុង​សេចក្តីថ្លែងការណ៍​មួយ ​ដែល​ត្រៀម​សម្រាប់​ថ្លែង​នៅ​ក្នុងទីក្រុងឡុងដ៍ ចក្រភពអង់គ្លេស​ កាលពី​ល្ងាច​ថ្ងៃ​អាទិត្យ​ លោក​បាន​មាន​ប្រសាសន៍​ថា ចុង​ឆ្នាំ​២០១៦​​ ស្ថានភាព​របស់​យើង​ នៅ​ក្នុង​ពិភពលោក​មួយ​ផ្សេង ហើយ​កាន់​តែ​មិន​អាច​ទស្សន៍ទាយ​ទុក​មុន​បាន​ និង​កាន់​តែ​លែង​ច្បាស់​លាស់ ដែល​ធ្វើ​ឲ្យ​យើង​មាន​អារម្មណ៍​ថា​កាន់​តែ​ភ័យ​ខ្លាច​និង​ការបែក​បាក់​គ្នា។

គួរបញ្ជាក់ដែរថា កងកម្លាំង​សន្តិសុខ​ត្រូវ​បាន​ដាក់​ពង្រាយ​នៅ​ក្បែរ​ព្រះវិហារ​សាសនា​គ្រិស្ត​នានា​នៅ​ទូទាំង​អឺរ៉ុប ដោយ​មាន​ការប្រុងប្រយ័ត្ន​ខ្ពស់ ខណ:​ដែល​មាន​ការព្រមាន​ថា ​ក្រុមភេរវកម្ម​ឥស្លាម​អាច​នឹង​រៀបចំ​ផែនការ​ធ្វើ​ការវាយប្រហារ​នានា​នៅ​ថ្ងៃ​បុណ្យ​ណូអែល ដោយសារ​តែ​ពួក​ភេរវករ​ទាំង​នោះ​ចង់​ឲ្យ​ពិធី​បុណ្យ​សាសនា​របស់​ខ្លួន​មាន​ប្រជាប្រិយភាព​ជាង​គេ​បំផុត៕