ហុងឌូរ៉ាស: ក្រុមមន្ត្រីក្នុងប្រទេស កាលពីថ្ងៃច័ន្ទ បាននិយាយថា មនុស្ស ០៤នាក់ស្លាប់ និង ១៥ នាក់ផ្សេងទៀតបានបាត់ខ្លួន ចំពេលមានព្យុះដ៏ខ្លាំង បានវាយប្រហារនៅប្រទេសហុងឌូរ៉ាស ចាប់តាំងពីថ្ងៃសៅរ៍ កន្លងមក។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១០ ខែមករា ឆ្នាំ២០១៧។

ទីភ្នាក់ងារគ្រប់គ្រងគ្រោះមហន្តរាយ បានឲ្យដឹងថា អ្នកនេសាទវ័យ ៤៩ ឆ្នាំម្នាក់ បានលង់ទឹកស្លាប់ កាលពីព្រឹកថ្ងៃអាទិត្យ នៅឆ្នេរសមុទ្រកំពង់ផែភាគខាងជើងនៃតំបន់ជនបទ Omoa បន្ទាប់ពីទូករបស់គាត់ក្រឡាប់។

ហេតុការណ៍ដាច់ដោយទ្បែកផ្សេងមួយទៀត បានបញ្ជាក់ថា មនុស្សបីនាក់បានស្លាប់ និង ១៤ នាក់ទៀត បានបាត់ខ្លួន នៅពេលដែលទូកមួយ ដែលដឹកអ្នកដំណើរ ៣៥ នាក់ បានក្រឡាប់លិច ដោយសារព្យុះបក់បោក នៅតាមបណ្តោយឆ្នេរសមុទ្រ Mosquito ប្រទេសនេះ៕