កាលពីថ្ងៃច័ន្ទ ថ្ងៃទី៩ ខែមករា សប្តាហ៍មុន មិត្តភក្តិរបស់ Malia Obama ត្រូវបានសត្វឆ្កែចិញ្ចឹមរបស់លោក អូបាម៉ា បានហក់ខ្វាចខាំ ក្នុងអំឡុងពេលទៅទស្សន:កិច្ចនៅសេតវិមាន។
ក្នុងអំឡុងពេលចូលទៅកាន់សេតវិមាន ស្រាប់តែឆ្កែញីឈ្មោះ Sunny President បានវាយប្រហារទៅលើមុខនាង បណ្តាលឲ្យហូរឈាមពេញផ្ទៃមុខ។
ស្ត្រីដែលសូមមិនបញ្ចេញឈ្មោះ ត្រូវជា មិត្តភក្តិរបស់ Malia Obama បានសរសេរលើបណ្តាញសង្គមថា «ខ្ញុំស្អប់ Sunny » ដែលភ្ជាប់មកជាមួយរូបថតទាំងមុខរបួស។
ប្រភពព័ត៌មានរបស់ TMZ បានរាយការណ៍ឲ្យដឹងថា មុនឆ្កែខាំ ស្ត្រីរូបនេះ បានឱនថើប Sunny(ឆ្កែ) រំពេចនោះ គ្រូពេទ្យ បានព្យាយាមយកនាងមកព្យាបាល តែម្តង។បើទោះបីជារបួសមិនសូវធ្ងន់ធ្ងរ តែបានធ្វើឲ្យស្ត្រីនេះ មានការអាកអន់ចិត្ត យ៉ាងខ្លាំង ដែលធ្វើឲ្យប៉ះពាល់ដល់ផ្ទៃមុខរបស់នាង។
Sunny គឺជាពូជឆ្កែដែលបានយកពីព័រទុហ្កាល ដែលគ្រួសារអូបាម៉ា យកមកចិញ្ចឹម ដែលបានយកមកចិញ្ចឹម នៅឆ្នាំ២០១៣ ហើយឆ្កែមួយទៀតឈ្មើ Bo ដែលបានយកមកចិញ្ចឹមនៅឆ្នាំ ២០០៨៕
មតិយោបល់