ខាងទីភ្នាក់ងារ​អង្កេត​ភូមិសាស្ត្រ​សហរដ្ឋ​អាម៉េរិក បានឲ្យដឹង​នៅព្រឹកថ្ងៃទី​២២ ខែមករា​ ឆ្នាំ​២០១៧ នេះ​ឲ្យដឹងថា មានករណីរញ្ជួយដីមួយ បានវាយប្រហារ នាភាគខាងលិច នៃទីក្រុង Arawa នៅលើកោះ Bougainville ក្នុងប្រទេស ប៉ាពួញូហ្គីណេ ក្នុងកម្រិត ៨.០ រិច​ទ័រ ។​
ខាង​មជ្ឈមណ្ឌល​តាមដាន​រលកស៊ូណាមិក្នុងតំបន់ប៉ាស៊ីហ្វិក បាន​ឲ្យដឹងផងដែរថា រលកស៊ូណាមិ អាចនឹងកើតមានឡើង បន្ទាប់ពីរយៈពេលបីម៉ោងមកនេះ មានការរញ្ជួយដី នៅតាម​បណ្តោយឆ្នេរ ក្នុងនោះមានកោះ Solomon Islands, Nauru, Pohnpei, Kosrae, Vanuatu, Chuuk និង​ Indonesia ។​
មជ្ឈមណ្ឌលតាមដានរលកយក្ស​ស៊ូណាមិខាងលើ បានបន្តថា កម្រិត​នៃកម្ពស់រលក គឺមានពី ០,៣ម៉ែត្រ រហូដល់ ១ម៉ែត្រ នៅកោះ Solomon ។
បើតាម​សារព័ត៌មាន abc បានបញ្ជាក់ថា មិនទាន់មានរបាយការណ៍ ស្តីពីការខូចខាតនៅឡើយនោះទេ លើករណីរញ្ជួយដីនេះ ។​