មីយ៉ានម៉ាៈ អ្នកប្រឹក្សាផ្នែកច្បាប់របស់គណបក្សសម្ព័ន្ធជាតិប្រជាធិបតេយ្យមីយ៉ាន់ម៉ា (NLD) និងអ្នកការពារសិទ្ធមនុស្ស
ជាតិភាគតិចមូស្លីមលេចធ្លោរបស់មីយ៉ាន់ម៉ា លោក Ko Ni ត្រូវបានគេបាញ់ស្លាប់ នៅខាងក្រៅព្រលានយន្ត
ហោះអន្តរជាតិយ៉ាំងហ្គោន ដែលបណ្ដាលឲ្យមានការផ្ទុះអំពើហិង្សានយោបាយ នៅក្នុងរដ្ឋធានីនេះ។នេះបើយោងតាមរយៈ សារព័ត៌មាន Bangkok Post ចេញផ្សាយនៅថ្ងៃទី៣០ ខែមករា ឆ្នាំ២០១៧។

ខ្មាន់កាំភ្លើងតែម្នាក់គត់ ត្រូវបានប៉ូលិសចាប់ខ្លួន នៅក្នុងហេតុការណ៍នេះ។ លោក Ko Ni ​អាយុ ៦៥ ឆ្នាំ ត្រូវបានស្លាប់ នៅកន្លែងកើតហេតុកាលពីថ្ងៃអាទិត្យ ហើយអ្នកបើកតាក់ស៊ីម្នាក់ ដែលបានព្យាយាមបញ្ឈប់ខ្មាន់កាំភ្លើង ក៏ត្រូវបានបាញ់ សម្លាប់ផងដែរ។

អ្នកនាំពាក្រប៉ូលិស បានឲ្យដឹងថា ប៉ូលិសបានឃាត់ខ្លួន និងកំពុងសាកសួរខ្មាន់កាំភ្លើង ដើម្បីរកឱ្យឃើញពីមូលហេតុ
នៃការបាញ់សម្លាប់ និងអ្នកនៅពីក្រោយអំពើឃាតកម្មនេះ៕