ព័ត៌មានអន្តរជាតិ

ព្យុះកំបុតត្បូង tornado វាយប្រហារនៅអាមេរិក របួសមនុស្ស ២៦ នាក់

អាមេិក: យ៉ាងហោចណាស់មនុស្ស ២៦ នាក់បានរងរបួស ខណ:ដែលផ្ទះ ២៥០ ខ្នង ត្រូវបានខូចខាតយ៉ាងខ្លាំង កាលពីរសៀលថ្ងៃអង្គារ បន្ទាប់ពីព្យុះកំបុតត្បូង (tornado) បានវាយប្រហារនៅរដ្ឋ Louisiana ភាគខាងត្បូងអាមេរិក។ នេះបើយោងតាមរយ:សារព័ត៌មាន CNN ចេញផ្សាយនៅថ្ងៃទី៨ ខែកុម្ភ: ឆ្នាំ២០១៧។

នាយកដ្ឋានអាកាសធាតុអាមេរិក បានឲ្យដឹងថា ព្យុះនេះ បានវាយប្រហារក្នុងល្បឿន ១៧៧
ទៅ ២១៦ គីឡូម៉ែត្រ ក្នុងមួយម៉ោង នៅភាគខាងកើតនៃទីក្រុង New Orleans ជា
ទីក្រុងធំបំផុតនៅរដ្ឋ Louisiana ហើយសាលារៀនជាច្រើនកន្លែង នៅក្នុងតំបន់នេះ បានទទួលរងការខូច
ខាត និងត្រូវបានបិទទ្វារទាំងស្រុងនៅថ្ងៃពុធនេះ។

គួរបញ្ជាក់ដែរថា ព្យុះនេះ បានវាយប្រហារទីក្រុង New Orleans ៦ដង ក្នុងមួយឆ្នាំៗ ដែលបង្កឲ្យមានអ្នកស្លាប់ និងរបួសរាប់រយនាក់៕

មតិយោបល់