Post News Media ព័ត៌មានអន្តរជាតិ អ៊ីស្រាអែល រង...

អ៊ីស្រាអែល រងការបាញ់ប្រហារដោយគ្រាប់រ៉ុក្កែតចំនួន ០៤ ពីឧបទ្វីបអេហ្ស៊ីប

អ៊ីស្រាអែល: គ្រាប់រ៉ុក្កែតចំនួន ០៤ ត្រូវបានគេបាញ់ចេញពីឧបទ្វីប Sinai របស់ប្រទេសអេហ្ស៊ីប ឆ្ពោះមកកាន់ទីក្រុង Eilat ស្ថិតនៅភាគខាងត្បូងប្រទេសអ៊ីស្រាអែល ដោយបានបន្លឺសំទ្បេងព្រមានពីស៊ីរ៉ែនទ្បើង ក្នុងរមណីយដ្ឋានទីក្រុងស្ងប់ស្ងាត់មួយ កាលពីយប់ថ្ងៃពុធ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៩ ខែកុម្ភ: ឆ្នាំ២០១៧។

តាមប្រភពពីយោធា បានឲ្យដឹងថា ប្រព័ន្ធការពារមីស៊ីល Iron Dome របស់អ៊ីស្រាអែល បានស្ទាក់ចាប់បានរ៉ុក្កែតចំនួន ៣គ្រាប់ ខណ:ដែលគ្រាប់ទី៤ បានផ្ទុះនៅក្នុងវាលចំហមួយ។

ពាក់ព័ន្ធនឹងហេតុការណ៍នេះដែរ មិនមានរបាយការណ៍អំពីអ្នករងរបួស ឬការខូចខាតនោះទេ ហើយក៏ពុំទាន់មានអង្គភាពណាមួយ អះអាងទទួលខុសត្រូវភ្លាមៗ ចំពោះការវាយប្រហារនេះដែរ៕