រុស្ស៊ី: ទីភ្នាក់ងារសង្គ្រោះបន្ទាន់ បានឲ្យដឹងថា ឧទ្ធម្ភាគចក្រស៊ីវិរុស្ស៊ីលមួយគ្រឿង បានធ្លាក់កាលពីយប់ថ្ងៃអាទិត្យ នៅឯបឹង Teletskoye ក្នុងទីក្រុង Altai Republic របស់ប្រទេស ខណ:ដែលអ្នកដំណើរនៅលើវា នៅតែពុំទាន់រកឃើញនៅទ្បើយ។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី១៣ ខែកុម្ភ: ឆ្នាំ ២០១៧។

តាមរបាយការណ៍មនុស្ស ០៥ នាក់ បានជិះនៅលើឧទ្ធម្ភាគចក្រ Robinson R66 ហើយការធ្លាក់របស់វា អាចត្រូវបានបង្កឡើងដោយកំហុសបច្ចេកទេសរបស់ពីទ្បុត ឬអាចខ្យល់ខ្លាំងពេកនៅលើបឹង ដែលជាតំបន់ទេសចរណ៍ដ៏ពេញនិយមបំផុតនៅក្នុងប្រទេសរុស្ស៊ី។

ប្រតិបត្តិស្វែងរក និងជួយសង្គ្រោះ រួមទាំងមានអ្នកមុជទឹករុករក នៅតំបន់ដែលកើតហេតុ បានធ្វើទ្បើងភ្លាមៗ ប៉ុន្តែដោយសារតែអាកាសធាតុអាក្រក់ខ្លាំង ពួកគេអាចចាប់ផ្តើមការងារនេះបាន មុនពេលថ្ងៃរះឈានដល់ចូលថ្ងៃច័ន្ទ។

ខណ:នេះដែរ អាជ្ញាធរដឹកជញ្ជូនក្នុងតំបន់ កំពុងបើកការស៊ើបអង្កេត នៅក្នុងឧប្បត្តិហេតុនេះ៕