តៃវ៉ាន់ៈ យ៉ាងហោចណាស់មនុស្ស ៣២ នាក់ ត្រូវបានស្លាប់ នៅពេលរថយន្តក្រុង ដឹកភ្ញៀវទេសចរមួយ បានក្រទ្បាប់នៅជិតទីក្រុងតៃប៉ិ កាលពីយប់ថ្ងៃចន្ទ។ នេះបើយោងតាមរយៈ សារព័ត៌មាន Channel News Asia ចេញផ្សាយនៅទី១៤ ខែកុម្ភៈ ឆ្នាំ២០១៧។

តាមអាជ្ញាធរក្រុង បាននិយាយថា មានមនុស្សជិះនៅលើរថយន្ដក្រុងសរុបចំនួន ៤៤ នាក់ ដោយ ៣០ នាក់ ត្រូវបានគេអះអាងថា ស្លាប់នៅកន្លែងកើតហេតុ និង០២នាក់ទៀត បានស្លាប់នៅក្នុងមន្ទីរពេទ្យ ខណៈដែលអ្នករងរបួស ១២ នាក់ កំពុងតែទទួលការព្យាបាលនៅក្នុងមន្ទីរពេទ្យនៃរដ្ឋធានីតៃប៉ិ។

ភាគច្រើនអ្នកដំណើរទាំងនោះ ជាមនុស្សចាស់ ហើយបើតាមរបាយការណ៍របស់អាជ្ញាធរ បានបញ្ជាក់ថា ជនរងគ្រោះទាំងអស់ មានអាយុចន្លោះពី២០ ទៅ ៦០ ឆ្នាំ ៕