Post News Media ព័ត៌មានអន្តរជាតិ ជំងឺផ្តាសាយបក...

ជំងឺផ្តាសាយបក្សីនៅចិន មនុស្ស ៨៧ នាក់ហើយ ត្រូវបានស្លាប់បាត់បង់ជីវិត

ចិន: បន្ទាប់ពីការរីករាលដាលការស្លាប់ នៃជំងឺផ្តាសាយបក្សី នៅក្នុងប្រទេសចិន ឥទ្បូវនេះហាក់មានសភាពអន់ថយជាងមុន ដោយសារខាងអាជ្ញាធរសុខាភិបាល កាលពីថ្ងៃព្រហស្បតិ៍ បានឲ្យដឹងថា ពួកគេបានប្តេជ្ញាចិត្ត ក្នុងការរឹតបន្តឹងការគ្រប់គ្រង និងដឹកជញ្ជូនទៅលើទីផ្សារមាន់ទា ដើម្បីប្រយុទ្ធប្រឆាំងមេរោគនេះ។ នេះបើយោងតាមរយ: សារព័ត៌មាន Bangkok Post ចេញផ្សាយនៅថ្ងៃទី១៧ ខែកុម្ភ: ឆ្នាំ២០១៧។

ប្រភពពីរដ្ឋាភិបាល បាននិយាយថា មនុស្ស ៧៩ នាក់ បានស្លាប់ដោយសារជំងឺផ្តាសាយបក្សី H7N9 ក្នុងខែមករា ដែលមានការកើនទ្បើងច្រើនជាងបួនដងនៃតួលេខឆ្នាំមុន ជាកត្តាជំរុញឲ្យមានការព្រួយបារម្ភ អំពីរដូវកាលរីករាលដាល នៃវីរុសនេះ អាចនឹងអាក្រក់បំផុត នៅក្នុងកំណត់ត្រា។

គណ:កម្មាការសុខភាព និងផែនការគ្រួសារជាតិ បាននិយាយនៅលើគេហទំព័ររបស់ខ្លួនថា ចាប់ពីថ្ងៃអាទិត្យ ដល់ថ្ងៃអង្គារសប្តាហ៍នេះ មនុស្ស​០៨ នាក់ថ្មី ត្រូវបានគេរាយការណ៍ថា បានឆ្លងមេរោគផ្តាសាយបក្សី H7N9 ខណ:តួលេខថ្មីនេះ បានបង្ហាញពីអត្រាធ្លាក់ចុះ បើធៀបទៅនឹងរយ:ពេលកន្លងទៅ៕