អង់គ្លេស: នាយករដ្ឋមន្រ្តីលោកស្រី Theresa May បាននិយាយកាលពីថ្ងៃអង្គារថា លោកស្រី នឹងស្នើសុំសហភាពអឺរ៉ុប ពន្យាពេលសារជាថ្មីម្តងទៀត នៅក្នុងដំណើរការ Brexit ដើម្បីជៀសវាងការចាកចេញរបស់អង់គ្លេសនៅសប្តាហ៍ក្រោយ ដោយបង្ហាញថា លោកស្រី អាចនឹងទទួលយកទំនាក់ទំនងជិតស្និទ្ធ ជាមួយអឺរ៉ុប ដើម្បីបំបែកភាពជាប់គាំងនយោបាយរាប់ខែ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៣ ខែមេសា ឆ្នាំ២០១៩។

បន្ទាប់ពីកិច្ចពិភាក្សារយ:ពេលច្រើនជាង ៧ ម៉ោងជាមួយរដ្ឋមន្ត្រីខ្លួន លោកស្រី May បាននិយាយថា លោកស្រី នឹងស្នើសុំការពន្យារពេល ដែលមានរយ:ពេលខ្លី តាមដែលអាចធ្វើទៅបាន ដោយវានឹងត្រូវបញ្ចប់ នៅពេលអង់គ្លេស ឈានដល់កិច្ចព្រមព្រៀងមួយពីសំណាក់សភាជាតិ។

ស្ថិតក្នុងចលនាគ្រាំទ្រដំណើរការ Brexit ដែលបានធ្វើឲ្យមានការរំជើបរំជួល ដល់បក្សអភិរក្សរបស់ខ្លួន លោកស្រី ក៏បានធ្វើការជាមួយមេដឹកនាំបក្សប្រឆាំងដ៏សំខាន់ គឺលោក Jeremy Corbyn ដែលគាំទ្រ ទំនាក់ទំនងជិតស្និទ្ធ ជាមួយសហភាពអឺរ៉ុបផងដែរ។

ដោយលោកស្រី May បាននិយាយនៅក្នុងអាស័យដ្ឋានផ្សាយតាមទូរទស្សន៍ថា «នេះគឺជាព្រឹត្តិការណ៍ដ៏សំខាន់មួយ ទាមទារឲ្យមានការសាមគ្គីជាតិ ដើម្បីផ្តល់នូវផលប្រយោជន៍ សម្រាប់ជាតិ»៕