ជប៉ុន: តាមអាជ្ញាធរប៉ូលិសក្នុងតំបន់ នៅថ្ងៃច័ន្ទនេះ បានឲ្យដឹងថា មនុស្ស ០៥នាក់បានស្លាប់ ខណ:ដែល ០៤ នាក់ទៀត នៅមិនទាន់មានសញ្ញាបង្ហាញថានៅរស់រានទេ បន្ទាប់ពីឧទ្ធម្ភាគចក្រដឹកមនុស្ស ០៩នាក់ បានធ្លាក់កាលពីថ្ងៃអាទិត្យ ក្នុងតំបន់ភ្នំ របស់អាណាខេត្តណាខាណូ ភាគកណ្តាលប្រទេសជប៉ុន។ នេះបើយោងតាមរយ: សារព័ត៌មានចិនស៊ិនហួ ចេញផ្សាយនៅថ្ងៃទី៦ ខែមីនា ឆ្នាំ២០១៧។

ទូរទស្សន៍សាធារណ:របស់ជប៉ុន NHK បានរាយការណ៍ថា ពីទ្បុតម្នាក់ និងអ្នកពន្លត់អគ្គិភ័យ ០៤នាក់ ត្រូវបានរកឃើញថាស្លាប់ ក្រោយពីហេតុការណ៍ធ្លាក់នោះ នៅម៉ោងប្រមាណជា ៨ ព្រឹកថ្ងៃច័ន្ទនេះ (ម៉ោងក្នុងស្រុក)។

សេចក្ដីរាយការណ៍ព័ត៌មានក្នុងស្រុកមួយ បានចុះផ្សាយ នៅព្រឹកថ្ងៃច័ន្ទនេះថា សាកសពមនុស្ស ០៤ នាក់ទៀត ត្រូវបានគេរកឃើញ ដេកស្ដូកស្ដឹង បន្ទាប់ពីការធ្លាក់ឧទ្ធម្ភាគចក្រ កាលពីថ្ងៃអាទិត្យ។

យ៉ាងណាមិញ បើតាមពីប្រព័ន្ធផ្សព្វផ្សាយផ្លូវការណ៍ បានឲ្យដឹងថា សាកសពមនុស្ស ០៦ នាក់ ត្រូវបានគេរកឃើញ ខណ:ដែល ០៣ នាក់ទៀត គេនៅមិនទាន់ដឹងទេថា នៅមានជីវិត ឬក៏យ៉ាងនោះ៕