ថៃ:មុននេះបន្តិច មានមនុស្ស ២នាក់ បានរងបួស ដោយសារការផ្ទុះគ្រាប់បែក នៅស្ថានីយរថភ្លើង Hua Lamphong ក្នុងទីក្រុងបាងកក។ នេះបើយោងតាមការចេញផ្សាយរបស់ កាសែតបាងកកប៉ុស្ដិ៍ នៅថ្ងៃទី១១ ឧសភា ២០១៦ នេះ។

ប៉ូលិស បានបញ្ជាក់ថា គ្រាប់បែកដែលផ្ទុះនោះ ជាប្រភេទគ្រាប់បែក ពីងប៉ុង (គ្រាប់បែកមានទំហំ ប៉ុនគ្រាប់ពីងប៉ុង) បណ្ដាលឲ្យបុរស ២នាក់រងរបួស ហើយត្រូវបានបញ្ជូន ទៅកាន់មន្ទីរពេទ្យ ក្បែរកន្លែងកើតហេតុ ហើយប៉ុន្មាននាទីក្រោយមក គ្រូពេទ្យបានបញ្ជាក់ថា អ្នករបួសទាំងពីរនាក់នោះ មានសុវត្ថិភាព មិនប៉ះពាល់ដល់ជីវិត។

នៅពេលនេះ ក្រុមជំនាញកំពុងតែធ្វើការស៊ើបអង្កេត ប៉ុន្តែនៅមិនទាន់ទទួលបានលទ្ធផលនោះទេ៕