កូរ៉េ: ការតវ៉ាប្រឆាំងនឹងការដាក់ពង្រាយប្រព័ន្ធការពារមីស៊ីលរបស់អាមេរិក បានបន្តធ្វើទ្បើង នៅថ្ងៃច័ន្ទនេះ ចំពេលកើតមានភាពចម្រូងចម្រាស ជុំវិញការបង់ប្រាក់សម្រាប់ការចំណាយរាប់ពាន់លានដុល្លារអាមេរិក លើប្រព័ន្ធការពារមួយនេះ ។ នេះបើយោងតាមរយ:សារព័ត៌មាន​ចិនស៊ិនហួ ចេញផ្សាយនៅថ្ងៃទី០១ ខែឧសភា ឆ្នាំ២០១៧។

អ្នកស្រុកប្រមាណជា ១៥០នាក់ និងសកម្មជនសន្តិភាព បាននាំគ្នារារាំងច្រកចូលរថយន្តរបស់ប៉ូលិស ដែលបានបើកទៅកាន់កន្លែងកីឡាវាយកូនគោល នៅភាគអាគ្នេយ៍នៃប្រទេស ជាផ្នែកមួយបានដាក់ដំឡើងឧបករណ៍ THAAD រួចទៅហើយ។

ហេតុការណ៍នេះ បានកើតទ្បើងនៅវេលាម៉ោងប្រហែល ៧ និង៣០ នាទីព្រឹក (ម៉ោងក្នុងស្រុក) ដែលគេសង្កេតឃើញមានចំនួនរថយន្តប៉ូលិសព្យាយាមបើកចូលទៅទីលានវាយកូនគោលច្រើនជាងពេលធម្មតា ជាមួយរថយន្តប្រមាណជា ៣០ គ្រឿង និងប៉ូលិសចំនួន ១.២០០ នាក់៕