ជប៉ុនៈ ទីភ្នាក់ងារឧតុនិយមក្នុងប្រទេស (JMA) នៅថ្ងៃអង្គារនេះ បានឲ្យដឹងថា មានករណីគ្រោះរញ្ជួយដីមួយកម្រិត ៦,៤ រ៉ិចទ័រ បានវាយប្រហារនៅឆ្នេរសមុទ្រអូគីណាវ៉ារបស់កោះ Miyakejima ក្នុងខេត្តភាគខាងត្បូងប្រទេសជប៉ុន ប៉ុន្តែមិនសញ្ញាព្រមានពីរលកស៊ូណាមីនោះទេ។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី០៩ ខែឧសភា ឆ្នាំ២០១៧។

គ្រោះរញ្ជួយដីនេះ បានកើតទ្បើងនៅវេលាម៉ោង ១០ និង៥៤ នាទីព្រឹក (ម៉ោងក្នុងស្រុក) ដែលវាមានអនុភាព វាយប្រហារក្នុងជម្រៅ១០ គីឡូម៉ែត្រ។

ហេតុការណ៍នេះ ត្រូវបានគេបញ្ជាក់ថា បានកើតទ្បើងនៅជុំវិញកោះ​ Miyakejima និងពីរទីតាំងទៀត នៅក្នុងតំបន់ Tarama និង Ishigaki ។

តាមប្រភពដដែល បានអះអាងថា «ទោះបីជារញ្ជួយដីនេះ អាចនឹងមានអនុភាពផ្លាស់ប្តូរកម្រិតទឹកសមុទ្រ នៅក្នុងតំបន់ឆ្នេរនោះក៏ពិតមែន ប៉ុន្តែវាមិនបានបណ្តាលឲ្យមានការខូចខាតនោះទេ៕