កាលពីម្សិលមិញថ្ងៃនេះនៅទីក្រុងតូក្យូ ក្រុមហ៊ុនអាកាសចរណ៍ និងក្រុមហ៊ុន Mitsubishi UFJ Lease & Finance Company Limited (MUL) ដែលជាសមាជិករបស់ Mitsubishi UFJ Financial Group (MUFG) ក្រុមហ៊ុនហិរញ្ញវត្ថុជាន់ខ្ពស់របស់ជប៉ុន បានចុះហត្ថលេខាលើកិច្ចព្រមព្រៀងជំនួយហិរញ្ញវត្ថុក្រោមអធិបតីភាពរបស់នាយករដ្ឋមន្ត្រីប្រទេសវៀតណាមលោក Nguyen Xuan Phuc និងបណ្តាអ្នកមានយសស័ក្តិពីប្រទេសវៀតណាម និងប្រទេសជប៉ុន។
កិច្ចព្រមព្រៀងនេះនឹងត្រួសត្រាយផ្លូវសម្រាប់ក្រុមហ៊ុន MUL ដើម្បីផ្តល់ជំនួយដល់ក្រុមហ៊ុនអាកាសចរណ៍ Vietjet ក្នុងការទិញយន្តហោះ A321 ថ្មីទំនើបចំនួន ៣ គ្រឿងដែលមានតម្លៃ ៣៤៨ លានដុល្លារសហរដ្ឋអាមេរិក យោងទៅតាមតារាតម្លៃរបស់រោងចក្រផលិត។
យន្តហោះទាំង ៣ គ្រឿងនេះជាផ្នែកមួយនៃក្រុមយន្តហោះ A320 ដែលក្រុមហ៊ុន Vietjet បានចុះកិច្ចសន្យាកាលពីលើកមុនជាមួយក្រុមហ៊ុនផលិតយន្តហោះអឺរ៉ុប Airbus។ ក្រុមហ៊ុនអាកាសចរណ៍ Vietjet នឹងទទួលបានយន្តហោះនៅក្នុងឆ្នាំនេះដើម្បីបំពេញតាមផែនការពង្រីកការហោះហើរនៅក្នុងស្រុក និងអន្តរជាតិរបស់ខ្លួន។ រហូតមកដល់ពេលនេះ ក្រុមហ៊ុនអាកាសចរណ៍ Vietjet ទទួលបានយន្តហោះថ្មីទំនើបប្រភេទ A321s និង A320s ចំនួនជាង ២០ គ្រឿង។
ក្រោមលក្ខខណ្ឌនៃកិច្ចព្រមព្រៀងនេះ ក្រុមហ៊ុនអាកាសចរណ៍ Vietjet និងក្រុមហ៊ុន MUL នឹងធ្វើការរួមគ្នាដើម្បីចែករំលែកការអនុវត្តន៍ដ៏ល្អបំផុតសម្រាប់ការធ្វើប្រតិបត្តិការ និងការគ្រប់គ្រងនៃក្រុមហ៊ុនអាកាសចរណ៍។
កាលពីសប្ដាហ៍មុន នៅឯសហរដ្ឋអាមេរិក ក្រុមហ៊ុនអាកាសចរណ៍ Vietjet ក៏បានចុះហត្ថលេខាលើកិច្ចព្រមព្រៀងក្នុងទំហំទឹកប្រាក់សរុបចំនួន ៤,៧ ពាន់លានដុល្លារសហរដ្ឋអាមេរិកសម្រាប់ការគាំទ្រម៉ាស៊ីន និងការជួសជុលសមាសភាគយន្តហោះ និងសេវាកម្មបច្ចេកទេសផ្សេងៗ ការផ្គត់ផ្គង់ផ្នែកថាមពលជំនួយ (APU) និងបច្ចេកទេសតំហែទាំ និងការផ្តល់ហិរញ្ញប្បទានយន្ដហោះ និង/ឬការទិញ៕
មតិយោបល់