មីយ៉ាន់ម៉ាៈ ខណៈដំណឹងអំពីការធ្លាក់យន្តហោះយោធាមីយ៉ាន់ម៉ា ក្នុងទីក្រុង Dawei ស្ថិតនៅភាគខាងត្បូងនៃតំបន់ Tanintharyi នៅពីល្ងាចថ្ងៃពុធនេះ គឺយ៉ាងហោចណាស់មានអ្នកដំណើរ ១៥ នាក់ ត្រូវបានជួយសង្គ្រោះ បន្ទាប់ពីបំណែកយន្តហោះនេះ ត្រូវបានគេរកឃើញក្នុងសមុទ្រ Andama។ នេះបើយោងតាមសារព័ត៌មាន mirror ចេញផ្សាយនៅថ្ងៃទី០៧ ខែមិថុនា ឆ្នាំ២០១៧។

យន្ដហោះនេះ បានដឹកកម្លាំងយោធា និងក្រុមគ្រួសារចំនួន ១២០ នាក់ នៅវេលាម៉ោង ១ និង៣៦នាទីរសៀល ចេញពីទីក្រុង Myeik ឆ្ពោះទៅកាន់ Yangon ដែលជាទីក្រុងធំជាងគេ ស្ថិតនៅភាគខាងជើងប្រទេសមីយ៉ាន់ម៉ា។

មកទល់ពេលនេះ គេនៅពុំទាន់ដឹងច្បាស់អំពីស្ថានភាពអ្នកដំណើរទាំង ១៥ នាក់ ដែលបានរស់រានមានជីវិត ក្រោយហេតុការណ៍ធ្លាក់នោះ។

គួរបញ្ជាក់ដែរថា ក្រុមយោធាបាននិយាយថា ការធ្លាក់យន្តហោះនេះ ទំនងជាបណ្តាលមកពីអាកាសធាតុអាក្រក់៕