Post News Media ព័ត៌មានអន្តរជាតិ អ៊ីរ៉ង់ ជំរុញ...

អ៊ីរ៉ង់ ជំរុញឲ្យសហគមន៍អន្ដរជាតិទប់ទល់ ការគំរាមកំហែងអាមេរិក ទាក់ទងនឹងកិច្ចព្រមព្រៀងនុយក្លេអ៊ែរ

អ៊ីរ៉ង់: ការសម្រេចចិត្តរបស់ប្រធានាធិបតីអាមេរិក លោក ដូណាល់ ត្រាំ ក្នុងការដើរចេញពីកិច្ចព្រមព្រៀងនុយក្លេអ៊ែរឆ្នាំ ២០១៥ ជាមួយអ៊ីរ៉ង់ បានធ្វើឲ្យមានក្ដីកង្វល់ និងការព្រួយបារម្ភយ៉ាងខ្លាំង ក្នុងចំណោមសម្ព័ន្ធមិត្តរបស់អាមេរិក នៅទ្វីបអឺរ៉ុប និងបណ្ដាប្រទេសផ្សេងៗទៀតនៅលើពិភពលោក។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី៤ ខែមិថុនា ឆ្នាំ២០១៨។

រដ្ឋមន្ត្រីការបរទេសអ៊ីរ៉ង់លោក Mohammad Javad Zarif បានអំពាវនាវឲ្យសហគមន៍អន្តរជាតិ ប្រឆាំងនឹងឥរិយាបថគំរាមកំហែងរបស់អាមេរិក ខណ:ដែលរដ្ឋាភិបាលអ៊ីរ៉ង់ នៅតែព្យាយាមរក្សាកិច្ចព្រមព្រៀងមួយនេះដូចមុនដដែល។

នៅក្នុងលិខិតដែលផ្ញើទៅសមភាគីបរទេស លោក Zarif បានព្រមានពីផលវិបាក និងគ្រោះថ្នាក់ចំពោះការផ្លាស់ប្តូរសកម្មភាពខុសច្បាប់ និងឯកតោភាគីរបស់អាមេរិក ដើម្បីដើរចេញពីផែនការសកម្មភាពរួមគ្នា (JCPOA) ហើយថែមទាំងបានអំពាវនាវឲ្យអន្តរជាតិ ធ្វើការថ្កោលទោស ចំពោះទង្វើរបស់ក្រុងវ៉ាស៊ីនតោនផងដែរ៕