អា​មេរិក: ដកស្រង់សម្តីសមាជិកសភាគណបក្សប្រជាធិបតេយ្យ ដោយវិទ្យុជាតិសាធារណ: (NPR) នៅថ្ងៃពុធនេះ បានឲ្យដឹងថា ប្រធានាធិបតីលោក ដូណាល់ ត្រាំ បានរំលោភលើច្បាប់កម្រៃបៀវត្សបរទេសរបស់រដ្ឋធម្មនុញ្ញ ក្នុងប្រទេស។ នេះបើយោងតាមសារព័ត៌មាន sputnik ចេញផ្សាយនៅថ្ងៃទី១៤ ខែមិថុនា ឆ្នាំ២០១៧។

លើសពីនេះទៅទៀត សមាជិកសភា ថែមទាំងបានលើកឡើងការពិតដែលថា អាជីវកម្មជំនួញរបស់ប្រធានាធិបតី គឺលោក ត្រាំ នៅតែជាម្ចាស់មូលនិធិ ដែលទទួលប្រាក់បានពីរដ្ឋាភិបាលបរទេស ដោយគ្មានការយល់ព្រមរបស់សភា។

កាលពីថ្ងៃច័ន្ទមេធាវីទូទៅនៃសង្កាត់របស់រដ្ឋ Columbia និង Maryland បានដាក់ពាក្យបណ្តឹងមួយ ប្រឆាំងលោក ត្រាំ ជាមួយនឹងការចោទប្រកាន់ថា លោកបានរំលោភលើច្បាប់ប្រឆាំងអំពើពុករលួយរបស់សហព័ន្ធ ដោយទទួលបានប្រាក់រាប់លានដុល្លារ នៅក្នុងការទូទាត់ និងផលប្រយោជន៍ពីរដ្ឋាភិបាលបរទេស ចាប់តាំងពីលោកស្បថទ្បើងកាន់តំណែងនៅថ្ងៃទី២០ ខែមករា ឆ្នាំមុន។

ឆ្លើតបនឹងបញ្ហានេះដែរ អ្នកនាំពាក្យសេតវិមាន លោក Sean Spicer បាននិយាយថា ពាក្យបណ្តឹងមួយនេះ នឹងត្រូវបានទាត់ចោល ដោយសារវាគ្មានករណីកើតទ្បើង ដូចការចោទប្រកាន់បែបនេះទេ៕