ព័រទុយហ្កាល់ៈ ទីភ្នាក់ងារព័ត៌មាន Lusa របស់ប្រទេស នៅថ្ងៃអាទិត្យនេះ បានរាយការណ៍ថា មនុស្សស្លាប់បានកើនទ្បើងដល់ ៥៧ នាក់ហើយ ខណៈដែល ៥៩នាក់ផ្សេងទៀត បានរងរបួស បន្ទាប់ពីហេតុការណ៍ភ្លើងឆេះព្រៃដ៏សន្ធោសន្ធៅ នៅឯតំបន់ Leiria ភាគកណ្ដាលប្រទេសព័រទុយហ្កាល់ ។ នេះបើតាមសារព័ត៌មានចិនស៊ិនហួ ចេញផ្សាយនៅថ្ងៃទី១៨ ខែមិថុនា ឆ្នាំ២០១៧។

ហេតុការណ៍ភ្លើងឆេះព្រៃនេះ បានកើតឡើងនៅម៉ោងប្រមាណ ៣ រសៀល (ម៉ោងនៅក្នុងតំបន់) កាលពីថ្ងៃសៅរ៍ នៅឯតំបន់ Pedrogao Grande នៃស្រុក Leiria។

គួរបញ្ជាក់ដែរថា ភាគច្រើននៃជនរងគ្រោះ ដែលត្រូវបានស្លាប់ គឺនៅអំទ្បុងពេលពួកគេព្យាយាមរត់គេចខ្លួន ចេញតំបន់កំពុងរងផលប៉ះពាល់ ដោយសារអគ្គីភ័យនេះ៕