ជប៉ុនៈ ចៅស្រីច្បងរបស់ព្រះចៅអធិរាជជប៉ុន អាគី​ហ៊ី​តុ ព្រះនាម Princess Mako និងមិត្តប្រុសរបស់ព្រះនាង ឈ្មោះ Kei Komuro ប្រកាសភ្ជាប់ពាក្យជាសាធារណៈរបស់ពួកគេ នៅថ្ងៃទី០៣ ខែកញ្ញា ឆ្នាំ២០១៧ ខាងមុខ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៧ ខែសីហា ឆ្នាំ២០១៧។

កាសែតជប៉ុន Time បានរាយការណ៍ថា ដំបូងទ្បើយកាលបរិច្ឆេទនៃពិធីភ្ជាប់ពាក្យនេះ ត្រូវបានគ្រោងទុកនៅខែកក្កដា ប៉ុន្តែវាក៏ត្រូវផ្លាស់ប្តូរវិញ ដោយគ្រួសាររាជវង្ស។

នៅព្រឹកថ្ងៃទី០៣ ខែកញ្ញានោះ ព្រះចៅអធិរាជ អាគី​ហ៊ី​តុ ត្រូវបានគេរំពឹងថា នឹងអនុវត្តលើនីតិវិធីមួយ ក្នុងការទទួលស្គាល់លើអាពាហ៍ពិពាហ៍របស់ពួកគេ។

សូមជំរាបថា ពិធីអភិសេករបស់ព្រះនាង Princess Mako រំពឹងថានឹងត្រូវធ្វើទ្បើងនៅឆ្នាំ ២០១៨ ខាងមុខ បន្ទាប់ពីព្រះនាង តម្រូវឲ្យបោះបង់ឋានៈជាសែរាជវង្សរបស់ខ្លួន ទៅតាមច្បាប់របស់ប្រទេសជប៉ុន៕