ព័ត៌មានអន្តរជាតិ

អ៊ីរ៉ង់ បដិសេធពុំមានកិច្ចចរចាស្ដីពីកម្មវិធីមីស៊ីលផ្លោងរបស់ខ្លួនទ្បើយ

អ៊ីរ៉ង់: ក្រសួងការបរទេសអ៊ីរ៉ង់ បានបដិសេធថា មិនមានកិច្ចចរចារលើកម្មវិធីមីស៊ីលផ្លោងរបស់ខ្លួនទ្បើយ ដោយលើកទ្បើងថា ប្រទេសខ្លួន មិនបានប្រព្រឹត្តផ្ទុយពីកិច្ចព្រមព្រៀងនុយក្លេអ៊ែរនោះទេ។ នេះបើយោងតាមសារព័ត៌មាន Sputnit ចេញផ្សាយនៅថ្ងៃទី០៧ ខែតុលា ឆ្នាំ២០១៧។

លោក Bahram Qassemi អ្នកនាំពាក្យក្រសួងការបរទេសអ៊ីរ៉ង់ កាលពីថ្ងៃសុក្រ បានធ្វើការច្រានចោលផងដែរ ពាក់ព័ន្ធនឹងព័ត៌មាន នៃការត្រៀមខ្លួនរបស់អ៊ីរ៉ង់ ដើម្បីធ្វើកិច្ចពិភាក្សាអំពីកម្មវិធីមីស៊ីលផ្លោងនោះ។

សូមជំរាបថា ការច្រានចោលនេះ បានធ្វើទ្បើងបន្ទាប់ពីប្រទេសលោកខាងលិច បាននិយាយថា អ៊ីរ៉ង់បានត្រៀមខ្លួនរួចជាស្រេច ដើម្បីពិភាក្សាជុំវិញកម្មវិធីមីស៊ីលរបស់ខ្លួន ដោយមានអ្នកសម្របសម្រួលអន្តរជាតិ ០៦ រូប មកពីប្រទេសដែលមានហត្ថលេខីនៃផែនការរួមរួមគ្នា (JCPOA) ដែលត្រូវបានគេទទួលស្គាល់ជា​ច្បាប់​អន្តរជាតិផងដែរ៕

មតិយោបល់