កូរ៉េ: ក្រុមសកម្មជនកូរ៉េខាងត្បូង បានបង្ហោះខិត្តប័ណ្ណឃោសនា ប្រឆាំងនឹងកូរ៉េខាងជើង នៅព្រឹកថ្ងៃអង្គារនេះ ដោយបានបរិហារសកម្មភាពបង្កហេតុអាវុធនុយក្លេអ៊ែរ និងមីស៊ីលរបស់ទីក្រុងព្យុងយ៉ាង។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី១០ ខែតុលា ឆ្នាំ២០១៧។

ក្រុមអ្នកតស៊ូដើម្បីសេរីភាពនៅកូរ៉េខាងជើង ដែលភាគច្រើនជាពលរដ្ឋ បានរត់ចោលស្រុករបស់កូរ៉េខាងជើង បាននិយាយនៅក្នុងសេចក្តីថ្លែងការណ៍ តាមសារអេឡិចត្រូនិចថា សមាជិករបស់ខ្លួនចំនួន ៨ នាក់ បានបញ្ជូនខិត្តប័ណ្ណប្រហែល ៣ សែនសន្លឹក ចេញពីភាគខាងលិចទីក្រុង Gimpo ទៅកាន់ប្រទេសកូរ៉េខាងជើង នៅវេលាម៉ោងប្រហែល ៦ ព្រឹកថ្ងៃច័ន្ទ។

ខិត្តប័ណ្ណនោះ ត្រូវបានបង្ហោះទ្បើងទៅលើ ដោយប៉េងប៉ោងធំៗ ដើម្បីថ្កោលទោសរឿងបង្កហេតុ ទាក់ទងនឹងកម្មវិធីនុយក្លេអ៊ែរ និងមីស៊ីលរបស់របបដឹកនាំលោក គីម ជុងអ៊ុន។

ពាក់ព័ន្ធនឹងបញ្ហានេះ ក្រុងព្យុងយ៉ាងបានប្រឆាំងយ៉ាងខ្លាំងក្លា ដោយបានលើកទ្បើងថា សកម្មភាពមួយនេះ បានធ្វើឲ្យប៉ះពាល់ដល់ ទំនាក់ទំនងអន្តរកូរ៉េ ខណ:ដែលក្រុងសេអ៊ូល បានអះអាងថា ខ្លួនគ្មានសិទ្ធិរារាំងសកម្មភាពរបស់ក្រុមសកម្មជនស៊ីវិលទាំងនោះទេ៕