រុស្ស៊ី: រដ្ឋាភិបាលក្រុងមូស្គូនឹងមិនបណ្តេញអ្នកការទូតអាមេរិក ដើម្បីជាការឆ្លើយតបចំពោះការដាក់ទណ្ឌកម្មរបស់រដ្ឋាភិបាលលោក អូបាម៉ា ដោយបណ្តេញអ្នកការទូតរុស្ស៊ីចេញពីអាមេរិកនោះទេ ក្នុងករណីអាមេរិកចោទប្រកាន់រុស្ស៊ីថា បានជ្រៀតជ្រែកចូល ក្នុងការបោះឆ្នោតតាមប្រព័ន្ធអ៊ីនធឺណេតនៅទូទាំងសហរដ្ឋអាមេរិក កាលពីខែវិច្ឆិកា។ នេះបើតាមរយ:សារព័ត៌មាន BBC ចេញផ្សាយនៅថ្ងៃទី៣១ ខែធ្នូ ឆ្នាំ២០១៦។
ប្រធានាធិបតីរុស្ស៊ីលោក វ្ល៉ាឌីមៀរ ពូទីន បាននិយាយក្នុងសេចក្តីថ្លែងការណ៏មួយ របស់រដ្ឋាភិបាលក្រឹមឡាំងថា «យើងនឹងមិនបង្កើតបញ្ហាសម្រាប់អ្នកការទូតអាមេរិកទេ ដោយនឹងមិនបណ្តេញអ្នកណាម្នាក់ទ្បើយ ទោះជាយើងមានសិទ្ធិដើម្បីសងសឹកក៏ដោយ ក៏យើងនឹងមិនប្រើប្រាស់នយោបាយការទូតបែបដៃភ្លើងជើងមាន់នោះទេ ប៉ុន្តែយើងនឹងរៀបចំវិធានការណ៍បន្ថែម ដើម្បីទំនាក់ទំនងរវាងរុស្ស៊ី និងអាមេរិកឡើងវិញ ផ្អែកទៅលើគោលនយោបាយរបស់រដ្ឋបាលលោក ត្រាំ »៕
មតិយោបល់