វៀតណាម: គណ:កម្មាធិការគ្រប់គ្រងគ្រោះមហន្តរាយធម្មជាតិ នៅថ្ងៃច័ន្ទនេះ បាននិយាយថា មនុស្ស ៧២ នាក់ត្រូវបានស្លាប់ និងរងរបួស ៣៣ នាក់ ខណ:ដែល ៣០ នាក់ទៀតកំពុងបាត់ខ្លួន បន្ទាប់ពីភ្លៀងធ្លាក់យ៉ាងខ្លាំងកាលសប្ដាហ៍មុន បានបណ្ដាលឲ្យមានគ្រោះរអិលបាក់ដី និងទឹកជំនន់ នៅតំបន់ភាគខាងជើង និងកណ្ដាលប្រទេសវៀតណាម។ នេះបើយោងតាមសារព័ត៌មាន ចិនស៊ិនហួ ចេញផ្សាយនៅថ្ងៃទី១៦ ខែតុលា ឆ្នាំ២០១៧។

គ្រោះមហន្តរាយនេះ បានបំផ្លិចបំផ្លាញ ឬពន្លិចផ្ទះជាង ៤៩,៦០០ ខ្នង រួមទាំងខូចខាត ឬបែកបាក់ទំនប់ទឹក ៤៦.៩ គីឡូម៉ែត្រ នៅក្នុងរដ្ឋធានីហាណូយ,ទីក្រុង Thanh Hoa និងខេត្តចំនួន ៤ នៅភាគខាងជើងប្រទេស ព្រមទាំងបានសម្លាប់គោក្របី និងមាន់ទាជិត ៣០០.០០០ក្បាល។

សូមជំរាបថា កាលពីថ្ងៃអាទិត្យអាជ្ញាធរក្រុង បានប្រកាសពីភាពអាសន្ន នៅក្នុងខេត្ត បន្ទាប់រងគ្រោះដោយសារការរអិលបាក់ដីនេះ៕