ព័ត៌មានអន្តរជាតិ

លោក វ៉្លាឌីមៀ ពូទីន នឹងឈរឈ្មោះជាបេក្ខភាពប្រធានាធិបតីរុស្ស៊ី នៅអាណត្តិក្រោយ

រុស្ស៊ី: ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយកាលពីថ្ងៃពុធថា លោកនឹងឈរឈ្មោះ សម្រាប់ការប្រកួតប្រជែងក្នុងការបោះឆ្នោតជ្រើសរើសប្រធានាធិបតី នៅអាណត្តិក្រោយ ដែលនឹងធ្វើឲ្យលោកក្លាយជាមេដឹកនាំរុស្ស៊ី បម្រើការយូរជាងគេបំផុត។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី៧ ខែធ្នូ ឆ្នាំ២០១៧។

លោកពូទីន ដែលបានកាន់អំណាចអស់រយ:ពេល ១៨ ឆ្នាំកន្លងមកនេះ ត្រូវគេរំពឹងថា នឹងទទួលបានជ័យជម្នះ ពីសំណាក់គូប្រជែង ដែលជាគណបក្សប្រឆាំងនឹងរូបលោក។

ថ្លែងក្នុងអំឡុងពេលធ្វើទស្សនកិច្ច ទៅកាន់រោងចក្ររថយន្តមួយ នៅទីក្រុង Nizhny Novgorod លោក ពូទីន បាននិយាយថា ខ្លួននឹងឈរឈ្មោះជាបេក្ខភាព នៅអាណត្តិថ្មី សម្រាប់ការបោះឆ្នោតជ្រើសរើសប្រធានាធិបតីរបស់រុស្ស៊ី ដែលនឹងប្រព្រឹត្តទៅនៅខែមីនា ឆ្នាំ២០១៨ ខាងមុខនេះ៕

មតិយោបល់