ព័ត៌មានអន្តរជាតិ

អ៊ីរ៉ង់ ព្រមានអាមេរិកផ្លាស់ប្តូរកិច្ចព្រមព្រៀងនុយក្លេអ៊ែរ

អ៊ីរ៉ង់: ក្រុមមន្រ្តីក្រុងតេអេរ៉ង់ជាច្រើនរូប បានបង្ហាញខ្លួនជាសាធារណ: នៅក្នុងការរិះគន់ ក៏ដូចចង់លុបចោល ជុំវិញគោលនយោបាយរបស់អាមេរិក ចំពោះអ៊ីរ៉ង់ ដើម្បីពង្រឹងជំហររបស់ពួកគេ លើកិច្ចព្រមព្រៀងនុយក្លេអ៊ែរឆ្នាំ ២០១៥ ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៩ ខែមករា ឆ្នាំ២០១៨។

ដោយគោលបំណងនេះ បានធ្វើឲ្យការតវ៉ា និងបាតុកម្មនៅតាមទីក្រុងជាច្រើន នៅក្នុងប្រទេសអ៊ីរ៉ង់ បន្ទាប់ពីមេដឹកនាំកំពូលប្រទេសមួយនេះ ចង់ធ្វើការផ្លាស់ប្តូរ ដើម្បីលុបចោលកិច្ចព្រមព្រៀងនុយក្លេអ៊ែរ ដែលវានឹងធ្វើឲ្យមានការគំរាមកំហែងនៃការដាក់ទណ្ឌកម្មថ្មី ពីសំណាក់ក្រុង​វ៉ាស៊ីនតោនទ្បើងវិញ។

គួររំឭកថា កិច្ចព្រមព្រៀងនុយក្លេអ៊ែរ ត្រូវបានអនុម័តដោយ JCPOA ឲ្យ​ក្លាយ​ជា​ច្បាប់​អន្តរជាតិ ដែលបានចុះហត្ថលេខាកាលពីឆ្នាំ ២០១៥ ក្រោមរដ្ឋបាលលោក អូបាម៉ា និងអ៊ីរ៉ង់ រួមទាំងបណ្តាប្រទេស P5+1 ដូចជា អាមេរិក រុស្ស៊ី ចិន បារាំង ចក្រភពអង់គ្លេស និងអាល្លឺម៉ង់ ជាថ្នូរនឹងការបន្ធូរបន្ថយទណ្ឌកម្ម អ៊ីរ៉ង់បានយល់ព្រមផ្អាកការចម្រាញ់អ៊ុយរ៉ាញ៉ូម៕

មតិយោបល់