ហ្វីលីពីន: ប្រធានាធិបតីហ្វីលីពីនលោក Rodrigo Duterte នៅតែបន្តគាំទ្រយ៉ាងពេញទំហឹងលើគោលនយោបាយ សង្រ្គាមថ្នាំញៀនរបស់ខ្លួន ដោយលោកមិនត្រឹមតែបដិសេធ ចំពោះការចោទប្រកាន់ជុំវិញការសម្លាប់ក្រៅប្រព័ន្ធ តុលាការប៉ុណ្ណោះទេ ប៉ុន្តែថែមទាំងបានច្រានចោលដំបូន្មានរបស់អតីតមេដឹកនាំកូឡុំប៊ី លោក Cesar Gaviria ដែលប្រាប់លោកថា កុំឲ្យសាងកំហុសដដែរៗទ្បើងវិញទៀតផង។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី៨ ខែកុម្ភ: ឆ្នាំ២០១៧។

អតីតរដ្ឋអាជ្ញាហ្វីលីពីន បានសន្យាថា នឹងឈរនៅពីក្រោយ សម្រាប់អ្នកដែលនៅលើជួរមុខគាំទ្រសង្រ្គាមថ្នាំញៀន របស់ប្រធានាធិបតី និងបានហៅលោក Cesar Gaviria ថា ជាមនុស្សផ្លើ ខណ:ដែលមេដឹកនាំរូបនេះ បាននិយាយព្រមាន និងថាវិធីសាស្រ្តផ្តោតលើសុវត្ថិភាពរបស់លោក Duterte គឺកំពុងធ្វើឲ្យគ្រោះថ្នាក់ជាជាងល្អប្រសើរ។

សូមជំរាបថា កាលពីសប្ដាហ៍មុន លោក Duterte បានផ្អាកសកម្មភាពរបស់ប៉ូលិស ក្នុងប្រតិបត្តិការប្រឆាំងបទល្មើសគ្រឿងញៀន ខណ:ដែលលោកចង់ពង្រឹងច្បាប់គ្រឿងញៀនក្នុងប្រទេស (PDEA) ដោយមានផែនការដាក់ពង្រាយកងកម្លាំងទាហានជំនួសវិញ៕