អាមេរិក: ប្រធានាធិបតីអាមេរិក លោក ដូណាល់ ត្រាំ បានចាត់ទុកប្រទេសចិនថាជាគូប្រជែងរបស់អាមេរិក និងបានប្រកាសបញ្ចប់យុគសម័យចាញ់ប្រៀបផ្នែកសេដ្ឋកិច្ច ជាមួយក្រុងប៉េកាំង។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៤ ខែកុម្ភ: ឆ្នាំ២០១៨។
នៅក្នុងសុន្ទរកថាទៅកាន់សភាជាលើកដំបូង លោក ត្រាំ បានចោទប្រកាន់ក្រុងប៉េកាំងម្តងហើយម្តងទៀត ជុំវិញទង្វើរំលោភបំពានទៅលើការធ្វើពាណិជ្ជកម្ម ដោយបានប្រកាសថា ក្រុងវ៉ាស៊ីនតោន នឹងចាត់វិធានការណ៍បន្ថែម ដើម្បីប្រឆាំងនឹងរដ្ឋាភិបាលចិន នាពេលខាងមុខ។
យ៉ាងណាមិញប្រធានាធិបតីរូបនេះ ហាក់ពុំបាននិយាយចំៗនោះទេ អំពីប្រទេសដែលមានសេដ្ឋកិច្ចធំជាងគេលំដាប់ទី២ នៅក្នុងពិភពលោក ដោយអំទ្បុងពេលនោះ លោកគ្រាប់តែបានធ្វើការប្ដេជ្ញាថា នឹងការពារកម្មសិទ្ធិបញ្ញា ក៏ដូចជាប្រយុទ្ធប្រឆាំង ដើម្បីឲ្យមានការធ្វើពាណិជ្ជកម្មដោយយុត្តិធម៌រវាងគ្នាទៅវិញទៅមកប៉ុណ្ណោះ៕
មតិយោបល់