ព័ត៌មានអន្តរជាតិ

Update៖ មនុស្សចំនួន២២ នាក់ស្លាប់ ដោយសារព្យុះយ៉ាងខ្លាំង នៅភាគខាងត្បូងប្រទេសចិន

ចិន: ទីស្នាក់ការកណ្តាលគ្រប់គ្រងគ្រោះទឹកជំនន់ និងរាំងស្ងួតរដ្ឋ បាននិយាយនៅថ្ងៃច័ន្ទនេះថា ភ្លៀងធ្លាក់យ៉ាងខ្លាំង បានបណ្ដាលឲ្យមនុស្សចំនួន ២២ នាក់ស្លាប់ និង ១៥នាក់ទៀតកំពុងបាត់ខ្លួន នៅភាគខាងត្បូងប្រទេសចិន ចាប់តាំងពីថ្ងៃសៅរ៍។ នេះបើយោងតាមរយ: សារព័ត៍មានចិនហួរ ចេញផ្សាយនៅថ្ងៃទី២០ ខែមិថុនា ឆ្នាំ២០១៦។

ព្យុះនេះបានវាយប្រហារភាគខាងត្បូងចិន ចាប់តាំងពីថ្ងៃសៅរ៍ ដែលជំរុញឲ្យកម្រិតទឹក នៅក្នុងទន្លេឈានដល់កម្រិតគ្រោះថ្នាក់ និងបង្ខំឲ្យមនុស្សចំនួន ២៦៧.៨០០នាក់ ត្រូវជម្លៀសខ្លួនចេញ។

ក្នុងនោះផ្ទះចំនួន ១០.៥០០ ខ្នងបានរលំ និងផ្ទៃដីដំណាំ ៣២៤.០០០ ហិកតា ត្រូវបានបំផ្លាញ។
ការខាតបង់សរុបក្នុងតំបន់ ត្រូវបានប៉ាន់ប្រមាណជា ទឹកប្រាក់ចំនួន ៧,៣៤ ពាន់លានយន់ ត្រូវនឹង ១,១២ ពាន់លានដុល្លារសហរដ្ឋអាមេរិក៕

មតិយោបល់