Post News Media ព័ត៌មានអន្តរជាតិ ផ្ទុះគ្រាប់បែ...

ផ្ទុះគ្រាប់បែកពីរដង វាយប្រហារនៅទីក្រុងកាប៊ុល ស្លាប់មនុស្សយ៉ាងតិច ១៤ នាក់

អាហ្គានីស្ថាន: ប្រភពពីអ្នករាយការណ៍ព័ត៌មាន AFP ម្នាក់ នៅកន្លែងរក្សាសាកសព នៅព្រឹកថ្ងៃច័ន្ទនេះ បាននិយាយថា យ៉ាងហោចណាស់មនុស្ស ១៤នាក់ បានស្លាប់បាត់បង់ជីវិត ដោយការផ្ទុះគ្រាប់បែកពីរលើក បានវាយប្រហារនៅទីក្រុងកាប៊ុល។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី៣០ ខែមេសា ឆ្នាំ២០១៨។

ក្នុងចំណោមជនរងគ្រោះស្លាប់ទាំងនោះ គឺមានប្រធានក្រុមថត​រូបនៃទីភ្នាក់ងារ AFP ម្នាក់ ឈ្មោះ Shah Marai បានស្លាប់ផងដែរ នៅក្នុងការផ្ទុះលើកទី២ ដែលបានតម្រង់គោលដៅទៅលើអ្នកកាសែត។

ពាក់ព័ន្ធនឹងបញ្ហានេះ អ្នកនាំពាក្យក្រសួងមហាផ្ទៃ Najib Danish បានប្រាប់ AFP ថា «ការផ្ទុះលើកទីពីរនេះ បានកើតឡើងនៅក្នុងតំបន់តែមួយ ហើយខាងអាជ្ញាធរ នៅមិនទាន់អាចកំណត់អត្តសញ្ញាណ សម្រាប់ការវាយប្រហារបំផ្ទុះនេះបាននៅទ្បើយទេ៕