Post News Media ព័ត៌មានអន្តរជាតិ កងទ័ពអ៊ីស្រាអ...

កងទ័ពអ៊ីស្រាអែល បាញ់សម្លាប់យុវជនប៉ាឡេស្ទីន នៅតំបន់កាន់កាប់ភាគខាងលិច West Bank

អ៊ីស្រាអែល: ទាហានអ៊ីស្រាអែល បានសម្លាប់យុវជនប៉ាឡេស្ទីនម្នាក់ ក្នុងអំឡុងពេលវាយឆ្មក់មួយ នៅភូមិ Nabi Saleh ក្នុងតំបន់ West Bank ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៧ ខែមិថុនា ឆ្នាំ២០១៨។

ទីភ្នាក់ងារសារព័ត៌មាន Maan បានឲ្យដឹងកាលពីថ្ងៃពុធថា យុវជនម្នាក់ឈ្មោះ Ezzadin Tamimi ត្រូវបានគេបាញ់សម្លាប់ នៅពេលដែលទាហានអ៊ីស្រាអែល ចាប់ខ្លួនគាត់បាន ពាក់ព័ន្ធនឹងករណីគប់ដុំថ្ម។

បើតាមប្រភពពីសកម្មជនប៉ាឡេស្ទីន បាននិយាយថា ទាហានអ៊ីស្រាអែល បានវាយប្រហារទៅលើបុរសអាយុ ២១ ឆ្នាំរូបនោះ ជាមួយនឹងគ្រាប់កាំភ្លើងចំនួនបីគ្រាប់ ចម្ងាយប្រហែល ៤៥ ម៉ែត្រ បណ្ដាលឲ្យរងរបួសធ្ងន់ រហូតដល់ស្លាប់បាត់បង់ជីវិត៕